زاہدان (ہمگام نیوز ) ایرانی مقبوضہ بلوچستان کے شہر زاہدان کے فلکی کوزہ علاقے میں سادہ لباس قابض ایرانی سکیورٹی اہلکاروں کی فائرنگ سے دو بلوچ شہری شہید ہو گئے۔ مقامی ذرائع کے مطابق، سکیورٹی اہلکاروں کے سامنا ہونے پر ان افراد نے اپنے ہاتھ اٹھا کر ہتھیار ڈالنے کا اعلان کیا تھا، تاہم اس کے باوجود انہیں گولیوں کا نشانہ بنایا گیا۔
ذرائع کے مطابق، شہید ہونے والے دو شہریوں کی شناخت 22 سالہ محمد ریگی (سنجَرانی) اور 23 سالہ عزیز ریگی، عرف لالہ گل، کے ناموں سے ہوئی ہے۔ مقامی ذرائع نے اس واقعے میں ریگی خاندان سے تعلق رکھنے والے ایک تیسرے شخص کی موجودگی کی بھی اطلاع دی ہے، تاہم تاحال اس کی مکمل شناخت سامنے نہیں آ سکی۔
ذرائع کے مطابق، یہ واقعہ رات تقریباً 11 بجے پیش آیا۔ ذرائع کا کہنا ہے کہ سادہ لباس اہلکاروں کے قریب آنے پر وہاں موجود افراد نے اپنے ہاتھ اٹھا کر ہتھیار ڈالنے کا اعلان کیا، لیکن اہلکاروں نے ان پر فائرنگ کر دی۔ انہی ذرائع کے مطابق، افراد کے زمین پر گرنے کے بعد بھی قریب سے ان پر فائرنگ کی گئی۔
مقامی ذرائع نے مزید بتایا کہ فائرنگ کے بعد اہلکار شہید ہونے والے افراد کی لاشیں اپنے ساتھ لے گئے، جبکہ آس پاس کی دکانوں میں نصب سی سی ٹی وی کیمروں کی ریکارڈنگ بھی حذف کر دی گئی۔
موصولہ معلومات کے مطابق، محمد ریگی ایندھن بردار کے لیے استعمال ہونے والی گاڑی پر معاون کے طور پر کام کرتا تھا۔ ذرائع نے یہ بھی بتایا کہ اسے ٹانگ میں حرکت کرنے سے متعلق معذوری کا سامنا تھا۔
مقامی ذرائع کے مطابق، اہل خانہ تقریباً دس روز تک ان افراد کے بارے میں بے خبر رہے اور انہیں معلوم نہیں تھا کہ وہ زندہ ہیں یا مارے جا چکے ہیں۔ چند روز گزرنے کے بعد سکیورٹی حکام نے اہل خانہ سے رابطہ کرکے بتایا کہ دو افراد مارے گئے ہیں اور ان کی لاشیں سرد خانے میں رکھی ہوئی ہیں۔ ذرائع کے مطابق، اہل خانہ سے لاشیں وصول کرنے کے لیے رقم ادا کرنے کا مطالبہ بھی کیا گیا۔
یہ واقعہ 4 اکتوبر 2026 کو پیشہ آیا ۔
دوسری جانب، قابض ایرانی سرکاری میڈیا نے بھی اتوار، 4 اکتوبر 2026 کو زاہدان کے فلکی اور کوزہ علاقوں میں دو مسلح اور مفرور افراد کی ہلاکت کی خبر دی تھی۔ سرکاری میڈیا نے اس واقعے کو ایک سکیورٹی آپریشن کا حصہ قرار دیا۔ تاہم، یہ مؤقف مقامی ذرائع کے ان بیانات سے مختلف ہے جن کے مطابق افراد نے ہتھیار ڈال دیے تھے اور انہیں سادہ لباس اہلکاروں نے فائرنگ کرکے مار دی
ا تھا ۔
