ہمگام بلوچی نبشتانک : زبان قومانی پجّار اِنت ، زبان حیالانی، مارشتانی درشانی ءِ رَہبند زانگ بیت، دنیا ءِ ہر کجام قومے بہ بیت آئیانی زندگ بوہگ ءِ مستریں ثبوت ءُ شاہدی آہانی زبان ءِ زندگ بوہگ اِنت۔ زبان ءِ بابت ءَ گش اَنت کہ زبان دود ءُ ربیدگ ءِ بہرے، زبان احساس ءُ جذباتانی پوشاک اِنت۔ زبان ایوک ءَ پیغام ءِ سر کنگ ءِ یک وسیلہ ءِ نہ اِنت۔ وہدے کہ دنیا ءِ تہا یک زندگیں دود ءُ ربیدگے کہ چاراں گُڑا آئی ءِ پُشت ءَ یک زندگیں قومے گوں زندگیں زبان ءَ گِندگ ءَ کئیت اِنت۔ زبان ءِ زندگ بوہگ یک قومے ءُ آئی ءِ ربیدگ ءِ زندگ بوہگ ءِ علامت اِنت۔
وہدے کہ سرجمیں دنیا ءَ چاراں گڑا ہَمے گِندگ ءَ کئیت کہ زبان ءِ دْروشم ہر جاگہ دگہ دیگر، زبان بزاں پُلّ کہ دروشم ءُ رنگ ءُ بوہے جتا اِنت۔ انچوشکہ دنیا ءِ تہا ہر وڑیں ہزاراں تہر ءِ پُلّ است اِنت ہر تہر ءِ پُلّانی وشبو جتا اِنت، رنگ ءُ جلواہ جتا اِنت۔ زبان ہم چو پُلّانی وڑا اِنت کہ ہر مُلک ءِ زبان جتائیں رنگے ءَ اِنت، ہر ہند ءِ زبان ءِ نام جتا اِنت، دْروشم جتا اِنت بلئے گشگ درست زبان بنت، زبانانی بابت ءَ زبان زانتانی حیال بازیں وڑا گندگ کاینت۔
Language: A body of words and the systems for their use common to people who are of the same community of nation. The same geographical area, or the same cultural tradition.(1)
(Source:dictionary.com)
زبان ءِ بابت ءَ خلیل صدیقی گْشیت کہ:
”زبان بولنے والوں کی جغرافیائی تعلق اور سماجی منصب یا حیثیت کی بھی نشاندہی کرتی ہے۔ تلفظ، لہجہ اور روزمرّہ سے یہ اندازہ لگایا جاسکتا ہے کہ بولنے والا جغرافیہ کے کسی حصے سے تعلق رکھتا ہے۔ ایک ہی زبان کے لسانی انحرافات اور تغیرات۔ لب و لہجہ، تلفظ اور سرمایہ کلمات کے اختلافات۔ علاقائی اور مقامی بھی ہوتے ہیں اور سماجی و معاشی طبقاتی بھی“(2)
ربیدگ ءُ زبان لازم و ملزومیں چِیز اَنت۔ کجام اُوں یک راجے ءِ زبان آئی ءِ دود ءُ ربیدگ ءَ ماں دنیا ءِ دیما پجّار کنائینگ ءِ مانزمان اِنت۔
زبان ءِ بابت ءَ زبان زانتانی بازیں حیال ءُ لیکہ گندگ ءَ کاینت بلئے ہر زانتکار ءِ لیکہ گوں دومی ءِ لیکہ ءَ ہمدپ ءُ ہمگونگیں رنگ ءَ گِندگ ءَ کئیت۔
Language is purely human and non-Instinctive method of communication, ideas, emotions, and desires by means of voluntarily produce symbols.(3)
ُُزبان ایوکا زاہری ءُ پدّرائی نہ بلکیں گپ ءُ ہبر ءِ سر کنگ ءِ یک وسیلہ زانگ بیت انسانی دراہیں جزبگ گوں زبان ءَ بندوک انت، زبان یک اَنچیں چیزے گِندگ ءَ کَئیت کہ آئی ءِ وجود ءِ بابت ءَ کس زَانت نہ کَنت کہ کدی بِندات بوتگ، بلئے زانتکار ءُ پولکارانی ردِا بچاراں گُڑا زبان ءِ بِندات سک کوہن اِنت ہمنچو کہ انسان ءِ بنزہ ءِ بابت ءَ کس زانت نہ کَنت کدی وجود ء َاَتکگ۔
“Language must have developed between 50,000 to 100,000 years ago, well before written language (about 5,000 years ago).Yet, among the traces of earlier periods of life on earth, we never find any direct evidence of artifacts relating to speech of our distant ancestors that might tell us how language was back-in the early stages. Perhaps, because of this absence of direct physical evidence, there has been no shortage of speculation about the origins of human speech.”(4)
ہمک انسان گْروہ (رم) چاگردی دود ءُ رَہبند، وڑ ءُ پیم۔ ہیل ءُ عادات، رسم ءُ رواج دْراہ زبان ءَ وردن بخش اَنت۔ زبان ءِ تہا بڈّ ءُ کالب زبانی گْروہ ءِ تب ءُ فکر ءُ حیال ءِ منتوار اَنت۔ ہر گْروہ ءِ حیالی، عقلی، ذہنی دنیا، زند ءُ کائنات ءِ زانت ءُ زانشت ءَ گوں ہمگْرنچ انت۔ زبان آئی ءِ ترجمانی ءُ جہگیریج ءِ ذریعہ نہ بیت بلکیں آئی ءِ واب ءُ حیالانی رنگ ءُ داب ءَ سمبہگ ءُ ڈولداری ءِ تچکیں ذریعہ ءُ وسیلہ بیتیں۔ زند ءِ ہر تک و پہنات مادی، ذہنی و روحانی اخلاقی ءُ تمام دربرتگیں قدرتانی جنداک ءُ معیار چرائی ءَ دود ءُ ربیدگانی روتگ ءُ ہُنڈال زانگ بیت۔ خلیل صدیقی: زبان نہ ایوکا چاگردی، دودمانی ءُ راجی دیمروی ءِ مانزمان زانگ بیت بلکہ آئی ءِ ہُنڈال ءُ لسانی گروہ یا زبان ءِ گوستگیں زندگی ءِ جہگیری ءَ کنت، ءُ تاریخ ءُ راج دپترانی یک بہرے ہم بیت۔ چریشی ءَ دلی واہگ ودی بوہگ قدرتی گپے بیت۔ آ لسانی گروہ یا زبان ءِ رم ءِ پجّار ءِ واستا یک چہر ءُ چیدگ ءِ مزنیں علامتے جوڑ بیت۔ اگن حقیقت ءَ بزان ئے انسان ءِ رمی بہر ءُ بانگ بزاں گروہی تقسیم ءِ اثرمندیں بُن ءُ بہہ ءِ آسان ءُ پچیں وسیلہ زبان ءِ جِند اِنت، وہدیکہ لسانی گروہ یا زبان رم ءِ سرا پابندی بہ لگّیت گڑا مستریں انسانی حق پُلگ ءُ پچگرگ بیت۔ احساس محرومی ودی پیداک بیت۔ ہواریں تب بزاں اجتماعی نفسیات یک نوکیں نیمگے ءَ سر کشّیت ءُ زبان وت واجہی ءِ علامت جوڑ بیت۔ یک سیاسی چِست ءُ ایرے بِنا بیت۔ اگن زانشتی چمشانک دئیگ بہ بیت گڑا زانگ بیت کہ راج یا راجی فکر ءِ ہر گیشوار کنگ بہ بیت حقیقت ہمیش اِنت۔
زبان ءِ ہما مول ءُ مراد رسانک ءُ درشان ءِ ذریعہ بوتگ چاگردی ءُ ربیدگی ہم آہنگی سیادی ءُ نزیکی، انسان دوستی ءُ مہر ءُ وشیں باندات ءِ اُمیت پیداک بہ کنت۔
“We can imagine two kinds of ideal languages. One would require maximally simple expression and be forced to rely on telepathy; The other would leave nothing implicit but would be impossible to master or use in ordinary time frames.”(5)
زبان ایوکا زاہری ءُ پدّری نہ بلکیں گپ ءُ ہبر ءِ سر کنگ ءِ ہم وسیلہ زانگ بیت۔ ہر زانتکارے ءِ لیکہ ءَ کہ چارئے گڑا جاگہ نہ جاگہے ءَ دْرستانی حیال یک وڑ گندگ ءَ کاینت، انچوشکہ سرجمیں بُنگپ ءِ تہا گِندگ بوہگ ءَ اِنت کہ زبان رسانک ءِ رہبند اِنت، زبان حیال ءُ مارشتانی درشانی ءِ نام اِنت، یاکہ زبان ءِ بابت ءَ ایش ہم گْشنت کہ زبان انسانی چِست ءُ ایر ءُ عمل ءِ رہبند اِنت۔ وہدے کہ دْرستیں مثالاں ہوری ءَ چاراں گُڑا ہمے آسر ءَ سر باں کہ زبان فکر ءُ سوچ ءِ درنگازی ءَ راستیں جاگہ ءَ سر کنگ ءِ واستا آواز ءُ توارانی کُمک ءَ زوریت ءُ آہانی شریں رِد ءُ بند ءِ گوما ہما جاگہ ءَ سر کنت۔ اسل ءَ زبان اشارہانی بستار ءَ داریت، زبان arbitrary بیت ءُ زبان یک سسٹمے کہ گپ ءُ ہبرانی سر کنگ ءِ رسانک ءِ وڑ ءُ پیم اِنت۔
