واشنگٹن( ہمگام نیوز ) مانیٹرنگ نیوز ڈیسک رپورٹس کے مطابق امریکا نے فلسطین کو خود مختار ریاست ماننے سے انکار کردیا۔ تفصیلات کے مطابق امریکی وزیر خارجہ مائیک پومپیو نے فلسطین میں اسرائیل کے جنگی جرائم کی تحقیقات کی مخالفت کردی۔
مائیک پومپیو نے کہا ہے کہ فلسطین کوخودمختارریاست نہیں سمجھتے اورنہ ہی فلسطین بطور ایک ریاست عالمی اداروں کا رکن بننے کا اہل ہے، امریکا عالمی فوجداری عدالت کے اس اقدام کی شدید مخالفت کرتا ہے بلکہ ایسے کسی بھی اقدام کی مخالفت کرتے ہیں جس میں اسرائیل کو غیرمنصفانہ طور پر نشانہ بنایا جا رہا ہو۔
امریکی وزیر خارجہ نے مزید کہا کہ فلسطین بطور ایک ریاست عالمی اداروں کا رکن بننے کا اہل نہیں ہے۔
دوسری جانب فلسطین نے عالمی فوجداری عدالت کے اقدام کا خیر مقدم کرتے ہوئے کہا ہے کہ اسرائیلی وزیراعظم نیتن یاہونے اس اقدام کو ’سچ اور انصاف کے لیے سیاہ دن‘ قراردیا تھا۔ساتھ ہی فلسطین کی جانب سے موقف اپنایا گیا کہ فلسطین میں اسرائیلی جرائم کی تحقیقات بہت عرصہ پہلے شروع کرنی چاہیے تھیں۔واضح رہے کہ عالمی فوجداری عدالت نے فلسطین میں اسرائیل کے جنگی جرائم کی مکمل تحقیقات شروع کرنے کا کہا تھا کیونکہ اسرایئل کی جانب سے فلسطین کے نہتے اور معصوم لوگوں پر ظلم کیا جاتا ہے۔
اسرائیلی فوج ہتھیاروں کے ساتھ معصوم بچوں پر ظلم کرتی ہے جبکہ عورتوں پر بھی ظلم کے پہاڑ توڑے جاتے ہیں۔ تاہم اب عالمی فوجداری عدالت نے فلسطین میں اسرائیل کے جنگی جرائم کی مکمل تحقیقات شروع کرنے کاحکم دیدیا ہے۔
