نبشتہ کار: سنگت اکبر
ھمگام بلوچی
یات بیت شرّی ءَ کہ نوک اول سر ءَ کہ مئے سنگتاں گوں مُکلسی ءَ وتی راجی کار پیلّو کُت اَنت۔ بلوچستان هر کُنڈ ءَ گوں رهبند ءَ شهید گلام مهمد بلوچ ءَ چہ بِگر بی ایس او آزاد ءِ سنگتاں بگر تاں بی آر پی ءِ سنگتاں چہ هر یکّ پارٹی ءِ سنگتاں وتی کار پرز جوڑ کُرت انت بلوچ نیشنل پرنٹ ءِ هسابا.
گراؤنڈ بزان پِڑ پِڑ ءِ توک ءَ سنگتاں گوں مهلوک ءَ یکّ جوانیں رنگے ءَ نزیکی داشت بی این ایم آ وهد ءَ وتی منشور ءَ گوں کار کُت چہ بُرزی نیمگا تاں جهلی نیمگا۔ بی آر پی هم انچُش گوں کاراں بی ایس او آزاد هم اَنچُش وتی کاراں گوں گُلائیش اِت اَنت.
تپاکی ءِ تَہ ءَ برکت اَت چوش کہ یکّ گوانکے کار بیت گڑا بلوچ نیشنل فرنٹ ءَ گوانک جت دو سنگت بی ایس او آزات ءِ آتک دو بی این ایم سنگت آتک دو بی آر پی ءِ سنگت آتک آ کار گُڑا الّم سوبمند بیت بلوچستان کُجام جاه بیت اِنت بلوچ نیشنل فرنٹ ءِ سنگت کامیاب اِت اَنت.
بلوچ نیشنل فرنٹ ءِ کار دژمن ءَ سکّ تورینگ ءَ آت پرچہ گوں مهلوک ءَ جَوان کسان مزن هرچ تبکہ ءِ مردماں گوں سنگتاناں هال اهوال است اَت.
دژمن پگر مند بیت چوں ایشاں هلاس بہ کن ئے گُڑا دژمن هما سنگت کامریڈ کہ پہ بلوچ جُنز ءَ کار آمد اَت آهاناں یکّ پہ یکّ چِست کُت ءُ آهانی لاش کوه ءُ گیاباناں دور دات اَنت لهتیں چست کُت بُرت گوں وت ءَ لهتیں پشکپت.
ایش لهتینانی توک ءَ اینکس کوت نہ بیت کہ وتی همیش سیستم ءَ جوان بِدار اَنت بزان کابل نَیت اَنت وت ءَ داشت نہ کُت .
تاں کاگزی بیان ءَ تک وت ءَ را مهدود کُت .
بی ایس او آزات چہ بی ایس او آزاتی ءَ بُرت گلام جوڑ کُت سانکلاں بست کارکُنانی رُکنیت کسانیں بگیریانی سرا هلاس کُت اَنت بی ایس او آزات ءِ ورنا چہ وانگجاهاں پارِگ کُت اَنت ءُ کوه ءَ سر کُت اَنت
بی این ایم هم اَنچُش گوں دگہ مردمانی سربرائی ءَ تاچینت وتی دست ءَ کُت تھنا کاگزی هساب ءَ آئی سیشن بنت سربراه گچین بنت.
پارٹی بزانت ایش اِنت کہ پارٹی ءِ توک ءَ پیریں کماش ورنا هرتبک ءِ مردم زورگ بنت بی این ایم وتی وڑ ءَ کُت.
بی آر پی هم گوں جوانیں رنگے ءَ گوں سنگتانی پجی ءَ کار ءَ اَت آ هم در آتک چہ بلوچ نیشنل فرنٹ ءِ توکا۔
همے وڑ ءَ جاهے دژمن بلوچ نیشنل فرنٹ ءِ پروش دیگ ءِ جُهد ءَ چیزے چیزے جاه ءَ ستگتانی هم دست مان بیتگ نزاناں چہ وتی نادانی نابزانتی چوش کُتگ یا اینکس تاگت نہ بیتگ وتی جند بچّارینتگ سیاسی پارٹی تنزیم بُرتگ کوه ءَ .
او مئے یکّ بلائیں تاوانے ایش بیتگ کہ شهری سیستم سنگتاں وت رون موش کُتگ کوه ءَ چگل داتگ.
آ ھم پد ءَ هما ذمہ داراں پہ وتی سیتانی واست ءَ شهری سیستم سنگت جُهد کار بُرتگ اَنت گوں گلتیں ردیں هکمت املیانی بُنیاد ءَ.
مرچی پد ءَ دوبر گندگ بوگ ءَ اِنت اتهاد ءِ تپاکی گپ واکی اتهاد ءُ تپاکی کن اَنت گُڑا سنگت راه هموار بہ کن اَنت یکّ برے الّم دیم پہ دیمی بہ نند اَنت سنگت اینکس تاں وا سوبمند بہ بنت کہ یکجاه بہ نند اَنت .
هچ نند گند نہ بیتگ سیڈ کشّے مهلوک بے آرام اِنت زاه ءُ بد یک دومی ءَ کنگ ءَ اِنت سر پِر نہ بیت بلوچ راج ءِ ایش دوست اَنت یا کہ دژمن بلوچ هچبر زاه نہ دنت آ کہ بلوچے بیت۔ پاکستانی پنجابی زاه ءُ بد کن اَنت بلے آ دگہ راجے.
زاه بد پہ بلوچ ءَ ھَیب ئے ھیبی گپ ءِ مرد کدی زاه نہ دنت لگور زاه دئے اَنت.
آ وهد ءَ رهبند بیتگ یکّ باسکے ءَ بے ادبی بہ کُتیں آ مهتل کنگ بیت مرچی هاس ناسیں نامانی سر ءَ واجہ جتگ الله نزری اکس دنت زاه جَتگ هیربیاری اَکس دنت زاه گُڑا ایش بزان کہ سرکاری مردم اَنت آئی ڈی هرکس جوڑ کُت کنت.
انچُش کہ زی بلوچ نیشنل فرنٹ پروشگ سرکارے دست مان اِنت ءُ مئے وتی همیش سنگتانی ردیں پالیسیانی سوْبا۔
ما وتی جُهد دیر اِنت بندات کُتگ ما گوں دگہ دگہ پارٹیانی سروکاں گوں هال اهوال داشتگ بوتگ ما چہ سنگتاں وڑ وڑیں گپ اُشکُتگ ( قلم بند کُتگ اَنت) کہ آهاں چے چے گُشتگ.
باز سنگت ءَ گوں ما اتهاد ءِ بابت ءَ گپ جَتگ چو هر نر بیتگ ما وا هیران بیتگ اِیں راجی کار ءُ چو هر نری ایش کُجام رهبند ءِ تہ ءَ اِنت گوں وتی سنگت ءَ چو گپ بہ کن …….. هیر سنگت الم یکّ روچے جوان بیت
دومی سنگت ءَ گوں هال اهوال کُت آ گُش ایت کہ سنگت ما هم همیش جُهد ءَ کنگایاں بلے ما رَواں رَوان دیم ءَ لهتیں (عناصر) کئیت پروشیت ایش سیستم ءَ جوان واجہ ! بلے اینکس سرپدی بہ رسیت کہ ایش (عناصر) کئی زی اَنت.
سیمی سنگت گُش ایت سبر کن اِت کہ مارا پروگرامے دست ءَ است۔ جوان واجہ ! سبر کن آں مُشکل نہ اِنت وهد گوازان گوازان گُڑا یکّ روچے بیت واجہ سرکولر دیما آتک واجهاں وتی وڑ ءَ جتگ پُر کُتگ هچ اتپاک اتهاد ءِ پوائینٹ نیست اَت.
چارمی سنگتانی نیمگ ءَ من هال اهوال کُت بلے چارمی سنگتانی نام وت ما وتی توک ءَ سک باز پروپگینڈه کن اَنت کہ ایش هرابیں مردم اَنت.
بلے یکّ راهے آ سنگت دات کہ چوش اتهاد بیت ءُ بیت کنت اول چہ درستان سر کہ کوکار جاک مہ بیت هر پارٹی پہ وت ءَ کمیٹیے جوڑ بہ کنت پہ اتهاد اتپاکا اولی مرهلہ وتی پارٹی ءِ توک ءَ وتی کمیٹی اِنت ………
دومی مرهلہ …….. روان کنت ….. انچُش سیمی …… اے کار دو روچ ءِ کار نہ اَنت اتهاد اتپاک دائم ءَ وش اِنت جوان کار جوانتر مُهکم تِر بنت وزن دار بنت دُنیا جوانتر دلگوش بیت.
