مارا ماں وتی ملکءَ گردگءَ نئیل اَنت
ندکار: ابوسّسی
ھمگام بلوچی
مارا ماں مئے وتی جند ءِ سرڈگارءَ ترّگ ءُ گردگ ءَ نئیل اَنت، مارا ماں مئے جند ءِ مسیت ءَ گپ جنگ ءَ نئیل اَنت، مارا ماں مئے جند ءِ ڈیھ ءَ درآمد جست کن اَنت کہ شما کجا روئے، مارا ماں مئے جند ءِ ڈیھ ءَ وتی زبان ءَ گپ جنگ ءَ نئیل اَنت ءُ مارا ماں مئے کارگس ءُ وانگجاھاں نئیل اَنت مئے سرزمین ءِ سرجمیں مڈّیاں درآمد کشّگ ءُ بَرّگ ءَ اَنت ءُ چہ مئے مال ءُ مڈیاں وتی شھر ءُ میتگاں ءُ وانگجاہ ءُ شاھدربرجاھاں بندگ ءَ اَنت وتی چُک ءُ اُوبادگاں وانینگ ءَ اَنت چہ مئے سرڈگار ءِ مال ءُ مڈیاں جنگی ءُ آپی بالی گُراب ءُ ٹوپ ءُ ٹینک زورگ ءَ اَنت ءُ چہ مئے سر ڈگار ءِ مال ءُ مڈیاں آ وتی دگ ءُ شاھدگ ءُ ماڑی ءُ کلاتاں بندگ ءَ اَنت۔ چہ مئے سرڈگار ءِ آزمانی ءُ زمینی ءُ آپی راھاں پائیدگ چست کنگ ءَ اَنت ھرچ کوہ ءُ جمپ ءُ سرشمانی سرا نشتگ اَنت مئے نپس اش تنگ کتگ بلے ما اِش نہ گند اِیں مئے چمانی رژنانی ھست اِنت بلے مئے دید نہ گندگ ءَ اَنت بلے ما وتی جند ءِ برات ءِ سر ءَ سک تیاراِیں زوت وتی جکّاں درکاریں ءُ یک جارے شنگ کنیں آیانی گردن ءِ جنگ ءَ آزمانی زھمے ساھیل کنیں بلے زوراکانی زوراکی ءَ نہ گندیں بژنی گپّے سکیں بژنی گپّے بلے وتی براتانی کُشگ ءَ تیاریں او بلوچ راج پیسر ءَ دیم ءَ گوں وتی دژمن ءَ بہ کن دنتان ءُ جِکّاں وتی برات ءِ سرءَ درمیار !!!!!!
وتی براتانی ڈلکی ءُ دلاری ءَ مہ کن پہ چار کلدار ءَ وتی براتانی ڈلکی ءَ کن ات ءُ شمئے نام پاکستانی ءُ ایرانی ادارھانی تہءَ کشندہ ٹولی ءُ مناپک ءُ بے زمیر ءُ وتن پروش انت اے شمارا کار بند انت وتی کاراں شر کن انت ءُ رند ءَ شما وت ءَ کوشارینت یات بہ کن ات کہ شمئے جاہ دوزہ ءُ جھنم انت ءُ سرمچارانی جاہ باگیں گلباگ انت ھما کس کہ پہ وتی وتن ءَ مِرّیت آ شھید انت بلوچ سرمچار پہ وتی وتن ءُ پہ وتی گیرت ءَ شھید بوگ ءَ اَنت شما ڈلک ءُ دلار پہ چارکلدار ءَ وتی براتاں کوشارین اِت، یک سرمچارے ءِ شھیدی راج ءَ تاوان انت، پاکستان ءُ ایران ءَ بلوچستان چہ وتی زوراکیاں ایرجیگ کتگ گپتگ ءُ بلوچستان ءِ مال ءُ مڈیاں برگ انت ءُ بلوچ راج پہ چنڈے نان ءَ وار ءُ بزگ ءُ آزاب ءُ در پہ در انت، بژن گوشاں ھمے ھپتگ ءُ پیشی ماہ ءَ پاکستان ءِ چیریں ادارہ ءُ ایران ءِ چیریں ادارھاں بلوچستان ءِ ورنا شھید کتگ انت، پرویز مشرپ دپ وت تامرے ءِ تہءَ گوشگ ءَ اِنت شما بلوچ سرمچار کجا برو اِت ما شمارا کش ایں ءُ چہ ایشیءَ ھمے زانگ بیت کہ ساجد ھسین بلوچ پاکستان ءِ چیریں دارھاں سویڈن ءَ شھید کتگ ءُ ھمے کشندہ ٹولی ءِ ڈلکی ءُ دلاری ءَ پروم ءَ چار راجی سرمچار شھید کتگ ءُ روبرکتی بلوچستان ءِ تہءَ بازیں سرمچارے ھمے ماہ ءَ شھید کنگ بوتگ، او منی بلوچستان ءِ راجی سرمچاراں شما ھرچ کجا ات پاکستان ءِ لشکر ءِ سر ءَ ھر روچ اُرش بہ کن ات ھما ورنا کہ یورپ ءُ ڈنی ملکان انت واتر وتی بلوچستان ءَ واتر کن ات ءُ گوں دژمن جنگ بہ کن اِت، شما اے ملک ءِ واھند اِت بلوچستان ءِ شیریں سرمچار ات الم ءَ دژمن پروش وارت، دژمن ءُ دژمن ءِ ڈلکاں پھل مہ کن ات، گڈسر ءَ ھمے گوشاں کہ وتی سرپانی تہ ءَ تپاکی بیار اِت دژمن سک کمزور انت،.
