قلات(ہمگام نیوز) اطلاعات کے مطابق قلات میں ایک شخص نے اپنے بھائی کو فائرنگ کرکے قتل کردیا۔ پولیس نے کارروائی کرتے ہوئے ملزم کو آلہ قتل سمیت گرفتار کرلیا۔
پولیس ذرائع کے مطابق ہفتے کی صبح 7:30 بجے قلات پولیس کو اطلاع ملی کہ مرغی خانہ باب قلات ایریا کے پاس ایک آدمی زخمی حالت میں پڑا ہوا ہے۔ جس پر ایس ایچ او قلات و دیگر پولیس فوری موقع پر پہنچ کر زخمی کو سول ہسپتال قلات پہنچایا تاہم زخمی شخص دوران علاج زخموں کی تاب نہ لاتے ہوئے چل بسے۔
قتل ہونے والے شخص کی شناخت محمد گل ولد حاجی خان قوم محمد حسنی سکنہ مغلزئی قلات کے نام سے ہوئی ہے۔
ایس ایچ او قلات کے مطابق مقتول کو اس کے سگے بھائی گل محمد ولد حاجی خان قوم محمد حسنی سکنہ مغلزئی قلات و دیگر ملزمان نے قتل کیا ہے، جس پر قلات پولیس نے فوراً مختلف مقامات پر چھاپہ مار کاروائی کرتے ہوئے ملزم بھائی گل محمد کو گرفتار کرکے آلہ قتل ایک عدد ضرب کلاشنکوف و کارتوس برآمد کرلیا۔
