نوشکی(ہمگام نیوز)مقبوضہ بلوچستان کے علاقے نوشکی میں تائیکوانڈو کے نیشنل کھلاڑی اسفند بلوچ کا علاقے میں پہنچنے پر شاندار استقبال کیا گیا۔
تفصیلات کے مطابق نوشکی ٹائیگر تائیکوانڈو کے نیشنل کھلاڑی اسفند بلوچ کا نوشکی پہنچنے پر شاندار استقبال کیا گیا
اسفند بلوچ نے نیشنل لیول پہ بلوچستان ٹیم کی طرف سے بہترین کھیل پیش کرکے اپنے کلب اور بلوچستان کا نام روشن کیا تھا۔
اس موقع پر ماسٹر شبیر احمد چیف انسٹرکٹر نوشکی ٹائیگر تائیکوانڈو منظور احمد لانگو نے ایک پر وقار تقریب کا انعقاد بھی کیا جس میں انہوں نے کھلاڑیوں کو حوصلہ دیتے ہوئے کہا جو محنت انہوں نے کھلاڑیوں پر کئے تھے کھلاڑیوں نے ان کو ضائع نہیں ہونے دیا اور کھلاڑیوں نے ایک بار پھر نوشکی کا نام نیشنل لیول پہ روشن کرکے ہمارے دل جیت لیئے ہیں اور انہوں کھلاڑیوں پر فخر ہیں۔
اس موقع پر چیف انسٹرکٹر منظور احمد لانگو نے مزید کہا کہ حکومت کی طرف سے کھلاڑیوں کو بد قسمتی سے نظر انداز کیا گیا ہے اور انہوں نے اپنی مدد آپ بغیر کسی حکومتی مدد کے نیشنل اور انٹر نیشنل لیول کے کھلاڑیاں پیدا کرکے اپنے نوشکی اور بلوچستان کا نام روشن کردیا اور کرتے رہیں گے –
اس استقبالیہ تقریب میں سینئر اور جونئر کھلاڑیوں نے شاندار کامیابی پر اسفند بلوچ کو ہار پہنایا-
