سبی(ہمگام نیوز)مقبوضہ بلوچستان کے علاقے سبی میں لونی روڈ پر دوگروپوں میں تصادم کے نتیجے میں 3افراد جاں بحق جبکہ 5افراد شدیدزخمی ہوگئے۔
اطلاعات کے مطابق گزشتہ روز سبی میں لونی روڈ پر دو گروپوں میں فائرنگ کا واقع پیش آیا۔
فائرنگ کے نتیجے میں تین افراد جاں بحق ہوگئے جاںبحق افراد کی شناخت عمران، ملک عزیز اللہ، محمد اختر کے نام سے ہوئی ہے جبکہ زخمی ہونے والے افراد کی شناخت مرید خان، نوابزادہ بارو خان باروزئی، محمد اشرف اور منیر احمد کے نام سے ہوئی ہے
لاشوں اور زخمیوں کو سبی سول ہسپتال منتقل کردیا گیا جہاں پر زخمی ہونے والے افراد کی حالت تشویشناک بتائی جاتی ہے اور زخمیوں کی حالت تشویشناک ہونے کے باعث ان کو طبی امداد فراہم کرنے کے بعد کوئٹہ ریفر کیا جارہا ہے۔ دونوں گروپوں میں ہونے والا تصادم پرانی دشمنی بتائی جاتی ہے۔
سبی، دو گروپوں میں تصادم، غوث بخش باروزئی کے بھائی سمیت 3افراد جاں بحق
