بولان(ہمگام نیوز)مقبوضہ بلوچستان کے علاقے بولان میں ریلوے ٹریک کےقریب دھماکے کے باعث جعفر ایکسپریس کی 4 بوگیاں پٹری سے اتر گئیں۔
ریلوے حکام کے مطابق دھماکے سے ریلوے ٹریک کو نقصان پہنچا۔ کراچی جانے والی بولان میل کو آبِ گم ریلوے اسٹیشن پر روک لیا گیا۔
کوئٹہ سے ریلوے حکام بھی ریلوے ٹریک دھماکے کی جگہ روانہ ہوگئے ہیں۔
جبکہ پشاور سے کوئٹہ آنے والی جعفر ایکسپریس کو سبی اسٹیشن پر روک لیا گیا، سبی ریلوے اسٹیشن سے امدادی ٹرین دھماکے کی جگہ روانہ کردی گئیں۔
واضح کہ مقبوضہ بلوچستان کے علاقے بولان میں اس واقعے سے قبل بھی بلوچ آزادی پسند تنظیموں کی جانب سے جعفر ایکسپریس کو نشانہ بنایا جاچکا ہے کیونکہ آزادی پسند تنظیموں کے بقول قابض ریاست پاکستان اپنے ریل بلوچستان میں عسکری مقاصد کے لئے استعمال کررہا ہے –
بولان: ریلوے ٹریک کے قریب دھماکا، 2 مسافر زخمی
