اوتھل ( ہمگام نیوز) بلوچ اسٹوڈنٹس فرنٹ ءِ نیمگ ءَ بلوچستان جُتائیں وانگی کارگسانی تہ ءَ وانگی جیڑھانی سر ءَ نبشتہ بوتگیں پنتاک (پمفلٹ) اوتھل ھنکین ءِ سنگتاں اوتھل ءِ بازیں وانگجاہ، دوارگس (ھاسٹل) ءُ دگّانی سر ءَ لس مھلوک ءِ سَر ءَ بھر کرتگ،
اِے پنتاک بلوچستان ءِ مزن شھدربرجاھانی تہ ءَ بلوچ نودربراناں چہ وانگ ءَ دُور دارگ ءِ پندل سازیانی پدّر کنگ ءِ ھاتر ءَ نبشتہ کنگ بوتگ، انوگیں اھد ءِ راج ورنایاناں چہ وانگ ءَ دور دارگ ءِ ھاتر ءَ وانگی کارگس جتا جتائیں وت ساز اِتگیں جْیڑھانی آمچ کنگ بوتگ انت۔
اِے پنتاک ءِ شنگ ءُ تالان کنگ ءِ مول ءُ مراد ھمیش اِنت کہ راج ءِ ورنا سرپد بہ بنت کہ آیانی وانگ ءِ دیم ءَ اڑاندہ آرگ ءِ ھاتر ءَ چون چونیں پندل سازی ءُ بوگ ءَ اَنت تاکہ بلوچ راج ءِ ورنا ایشانی بگیری ءَ پاد بْیا انت ءُ وتی وانگی ءُ بنکی اگبالانی پچ گِرگ ءَ ھاتر مھکمیں توار چست بہ کن اَنت۔ تاں وھدے کہ ما اِے اڑاندھانی بابت ءَ سرپد نہ بنت ءُ مُھکمیں توار چِست نہ کن اَنت گُڑا روچ پہ روچ پندل ساز وتی مکر ءُ ھنراں گْوں سوبمَنْد بہ اَنت۔ بلے مارا پندل سازانی مکر سرپد بوگی اَنت ءُ آیانی پندل بے سوب کنگی اَنت۔
