سال 2023 کے آخر میں انسانی حقوق کی تنظیم ہینگاؤ ایران میں انسانی حقوق کی صورتحال اور شہریوں کے بنیادی حقوق کی بڑھتی ہوئی خلاف ورزیوں پر اپنی تفصیلی رپورٹ شائع کی ہے
انسانی حقوق کی تنظیم کے شماریات اور دستاویزات کے مرکز میں رجسٹرڈ اعدادوشمار کی بنیاد پر، سال 2023 کے دوران 823 سزائے موت کے قیدی اور 333 سزا یافتہ قیدی ہلاک اور زخمی ہوئے، اور 27 شہری بارودی سرنگوں اور دھماکہ خیز مواد کا شکار ہوئے۔ اس کے علاوہ ایرانی جیلوں میں 34 قیدی ہلاک ہوئے اور 2,341 شہریوں کو گرفتار کیا گیا جن کی شناخت کی تصدیق ہو چکی ہے۔ 21 سیاسی کارکنوں اور احتجاج کرنے والے شہریوں کو سزائے موت سنائی گئی ہے، 547 سیاسی کارکنوں میں سے کسی کو دس سال کی قید تو کسی کو دو سال اور کسی کو 94 سال تو کسی کو 8 ماہ کی تک قید سنائی گئی ہے ۔ اس کے علاوہ کم از کم 121 خواتین کو ان کے خاندان کے قریبی لوگوں نے قتل کیا ہے۔
انسانی حقوق کی تنظیم ہینگاؤ کی طرف سے فراہم کردہ انسانی حقوق کی خلاف ورزیوں کے اعداد و شمار ایران میں انسانی حقوق کی نازک صورتحال کو ظاہر کرتی ہیں۔
رپورٹ کے مطابق بڑی تعداد میں قیدیوں کی پھانسی، من مانی گرفتاریاں، اور کمزور گروہوں بشمول فسادیوں اور سول کارکنوں کے خلاف بڑھتا ہوا تشدد، انسانی حقوق کی وسیع پیمانے پر خلاف ورزیوں ککی چونکا دینے والی تصویر پیش کرتا ہے۔ اس کے علاوہ، قومی اور مذہبی امتیاز اور سیاسی اور سول کارکنوں کو نشانہ بنانا انصاف اور آزادی اظہار کی کمی کو ظاہر کرتا ہے۔ یہ صورتحال مطالبہ کرتی ہے کہ بین الاقوامی برادری اور انسانی حقوق کے محافظ ایرانی شہریوں کے حقوق کے “تحفظ کی ذمہ داری” کے نظریے کے مطابق بنیادی اصلاحات کے لیے اپنی توجہ اور دباؤ میں اضافہ کریں۔
ایران نے خواتین کے حوالے سے ایک ایسی پالیسی اختیار کی ہے جس میں خواتین کی جنسی اور صنفی اقلیتوں کے حقوق کی منظم پامالی نے نہ صرف سیاسی میدان اور حکمرانی کے تعلقات میں بلکہ سماجی میدان میں بھی ان کی زندگیوں کو بے قدر کر دیا ہے۔ خواتین کو مارنا آسان ہے۔ خواتین کو قتل کرنے سے پیسے نہیں لگتے، خواتین کو حقوق نسواں اور غیرت کے نام پر قتل کرنے سے اسلامی جمہوریہ ایران کے تعلقات مضبوط ہوتے ہیں ایران میں خواتین کے لیے اس شعبے میں کام کرنا بہت مشکل ہوگیا ہے ۔ اس وجہ سے، حقیقت میں خواتین کے قتل کی تعداد اس سے کہیں زیادہ ہے جو ہم خبروں اور میڈیا میں دیکھتے ہیں۔ ہینگاؤ معاشرے میں خواتین کے قتل کو معمول پر لانے کے خلاف متنبہ کرتا ہے، جبکہ ساتھ ہی ساتھ منظم جنسی اور صنفی بنیاد پر تشدد کو ظاہر کرنے کے لیے کام کرنے والے کارکنوں کی بے تحاشا گرفتاریاں اور تشدد۔ ہینگاؤ نے یہ بھی خبردار کیا کہ ایران میں جنسی اور صنفی اقلیتوں کے خلاف سیاسی اور سماجی تشدد کی سطح کے حوالے سے دستاویزی اعدادوشمار کی کمی بہت تشویشناک ہے۔
آنے والے دنوں میں مندرجہ ذیل موضوعات میں سے ہر ایک پر تفصیلی موضوعاتی رپورٹ الگ سے شائع کی جائے گی۔
*823 قیدیوں کو پھانسی دی گئی*
انسانی حقوق کی تنظیم کی رپورٹ کے مطابق 2023 کے دوران ایران کی مختلف جیلوں میں 823 قیدیوں کو پھانسی دی گئی ہے، جن میں سے 667 افراد کی مکمل شناخت کی تصدیق کی گئی ہے۔
جن قیدیوں کو پھانسی دی گئی ان میں سے 31 افراد کو سیاسی اور مذہبی سرگرمیوں اور زن زندگی آزادی ، ستمبر اور نومبر کے 98 کے احتجاج اور تحریک میں شرکت کے الزام میں پھانسی دی گئی جن میں سے 9 کرد قیدی تھے۔
*انسانی حقوق کی تنظیم “ہینگاؤ” کے اعدادوشمار کا حوالہ دیتے ہوئے، 179 بلوچ قیدیوں کو، جو کہ پھانسی پانے والوں میں سے 21.5 فیصد کے برابر ہے، اور 151 کرد قیدیوں کو، جو کہ تمام مقدمات کے 18.5 فیصد کے برابر ہے، کو پچھلے سال پھانسی دی گئی۔ اس کے علاوہ 54 ترک قیدیوں، 48 لر قیدیوں اور 28 افغان قیدیوں کو پھانسی دی گئی ہے۔*
اس کے علاوہ گزشتہ سال ایران کی جیلوں میں 22 خواتین اور 5 بچوں کو سزائے موت دی گئی جنہوں نے 18 سال سے کم عمر کے جرائم کے ارتکاب الزام عائد کیا گیا ہے۔
پچھلے سال، زیادہ تر قیدیوں کو منشیات سے متعلق جرائم میں سزائے موت دی گئی۔ منشیات سے متعلق جرائم کے الزام میں 468 قیدیوں کی سزائے موت پر عمل درآمد کیا جا چکا ہے جو کہ کل تعداد کے 57 فیصد کے برابر ہے۔ جان بوجھ کر قتل کے الزام میں 284 قیدیوں کو پھانسی دی جا چکی ہے۔
*333 کولبرز ہلاک اور زخمی ہوئے۔*
ہینگاؤ کے اعدادوشمار کے مطابق 2023 کے دوران کولبر( وہ مزدور جو اپنی پیٹھ پر سامان لاد کر ایک جگہ سے دوسری جگہ منتقل کرکے اپنی مزدوری لیتا ہے اسے فارسی زبان میں کولبر کہا جاتا ہے یہ کام اکثر کرد کرتے ہیں ) کی ہلاکتوں میں گزشتہ سالوں کے مقابلے میں نمایاں اضافہ ہوا ہے جس سے 41 کولبر اور مزدور ہلاک اور کم از کم 292 کولبر زخمی ہوئے ہیں۔
کولبران کے متاثرین کی کل تعداد میں سے 86.5 فیصد (27 ہلاک اور 259 زخمی) ایران کی مسلح افواج کی براہ راست فائرنگ سے ہلاک یا زخمی ہوئے، اور باقی بارودی سرنگوں کے دھماکوں اور قدرتی آفات جیسے برفانی تودے گرنے کی وجہ سے ہوئے وغیرہ ۔
اس کے علاوہ ایران کی مسلح افواج کی براہ راست فائرنگ سے ایک 16 سالہ کولبر ہلاک ہو گیا تھا، اور گزشتہ سال دیگر 25 کولبر بچے اور نوجوان زخمی ہوئے تھے۔
زیادہ تر کولوبران، جن کی تعداد 179 ہے کردستان کی سرحدوں میں مارے گئے اس کے بعد صوبہ کرمانشاہ (کرماشان) ہے، جہاں 138 کولوبران ہلاک یا زخمی ہوئے۔
*بارودی سرنگ کے دھماکوں سے ہلاکت*
2023 کے دوران ایران میں کم از کم 27 شہری ایران عراق جنگ سے بچ جانے والی بارودی سرنگوں اور دھماکہ خیز مواد کے پھٹنے سے ہلاک ہوچکے ہیں جن میں سے 26 کرد شہری ہیں اور ایک عرب شہری شوش شہر میں نشانہ بنا ہے۔
کل 27 متاثرین میں سے 7 اپنی جانوں سے ہاتھ دھو بیٹھے ہیں اور 14 واقعات میں سے زیادہ تر متاثرین عام شہری تھے اور 12 واقعات میں سے کولبر اور مزدور تھے۔ اس کے علاوہ ایرن کے فوجی دستوں میں سے ایک بارودی سرنگ کے دھماکے میں مارا گیا۔
رپورٹ کے مطابق گزشتہ سال4 بچے اور 1 خاتون بارودی سرنگوں کا شکار ہوئے، جو کہ ایران میں بارودی سرنگ کے تمام متاثرین کے 18.5 فیصد کے برابر ہے۔
*پچھلے سال جیلوں کی حالت*
2023 میں ایرانی جیلوں میں 34 قیدی ہلاک ہوئے، جن میں سے 11 تشدد کے باعث ہلاک ہوئے۔ تشدد سے ہلاک ہونے والے 11 قیدیوں میں سے 8 کرد، 2 بلوچ اور ایک لر بختیاری تھا۔
اس کے علاوہ 7 قیدی طبی امداد نہ ملنے اور طبی مراکز میں منتقلی میں تاخیر کے علاوہ زہر کھانے، خودکشی اور دیگر قیدیوں کے ساتھ جھگڑوں کی وجہ سے جان کی بازی ہار چکے ہیں۔
گزشتہ سال کے دوران مرنے والے 27 فیصد سے زائد قیدی سیاسی قیدیوں کے 9 کیسز کے برابر تھے، جن میں سے 5 کرد قیدی، 2 بلوچ قیدی، اور دو قیدی لر بختیاری اور گیلک بھی اپنی جان سے ہاتھ دھو بیٹھے۔
*غیر قانونی اور من مانی گرفتاریاں، 2342 افراد کی شناخت کی تصدیق*
ہینگاؤ کی انسانی حقوق کی تنظیم کے شماریات اور دستاویزات کے مرکز میں درج کردہ اعدادوشمار کی بنیاد پر، 2023 کے دوران کم از کم 2341 ایسے شہریوں کو جن کی مکمل شناخت ہینگاؤ کے لیے تصدیق شدہ ہے، اسلامی جمہوریہ ایران کے سیکورٹی اداروں نے گرفتار یا اغوا کیا ہے۔
گرفتار افراد کی کل تعداد میں سے 1025 افراد، جو کہ 42 فیصد کے برابر ہیں، کرد شہری تھے اور 607 افراد، جو کہ 26 فیصد بلوچ شہری تھے اس کے علاوہ گزشتہ سال 94 لر اور 87 ترک شہریوں کو گرفتار کیا گیا ہے ۔
اس کے علاوہ 18 سال سے کم عمر کے 214 بچوں اور نوعمروں کو گرفتار کیا گیا ہے جن میں سے 142 بلوچ شہری، 54 کرد اور 16 دیگر کا تعلق ایران کے دیگر علاقوں سے تھا۔
زیر حراست افراد کی کل تعداد میں 323 خواتین، 63 اساتذہ اور یونیورسٹی کے پروفیسرز، 45 طلباء اور مدعیان کے خاندان کے 109 افراد بھی شامل تھے۔
گزشتہ سال کے دوران 184 مذہبی کارکنوں کو گرفتار کیا گیا، جن میں سے 90 بہائی کارکن تھے، اور باقی کردستان، اہواز، بلوچستان میں سنی کارکن تھے، اور کچھ عیسائی، یہودی اور یارسان شہریوں کو بھی گرفتار کیا گیا۔
*21 سیاسی کارکنوں کو سزائے موت اور 547 سیاسی، مذہبی اور سول کارکنوں کو قید اور کوڑے*
2023 میں، اسلامی جمہوریہ ایران کے عدالتی نظام نے کم از کم 568 سیاسی، مذہبی اور عام شہریوں کے خلاف مقدمہ چلایا اور انہیں قید، پھانسی یا کوڑے مارنے کی سزائیں سنائی گئیں۔ ان میں سے 21 افراد کو موت کی سزا سنائی گئی ہے۔
کل 21 شہریوں میں سے جن کو سزائے موت سنائی گئی تھی، ان میں سے دو، جو گیلک کے قیدی تھے، جن کا نام مہدی محمدی فرد اور جواد روحی تھا، سپریم کورٹ نے ان کی سزا کو کالعدم قرار دے دیا تھا، اور جواد روحی بعد میں جیل میں ہی مشتبہ طور پر انتقال کر گئے تھے۔ دیگر 18 قیدیوں میں سے 7 کرد سیاسی قیدی ہیں جنہیں موت کی سزا سنائی گئی ہے۔ ترکی کی ایک سیاسی قیدی نسرین نمازی کو بھی موت کی سزا سنائی گئی تھی اور ان کی سزا پر 2023 کے آخری دنوں میں عمل درآمد کیا گیا تھا۔
اس کے علاوہ 13 قیدیوں کو زن زندگی اور آزادی کی تحریک میں حصہ لینے کے الزام میں سزائے موت سنائی گئی ہے، ان میں سے 2 کی سزا کی خلاف ورزی کی گئی ہے اور 6 دیگر کی سزا پر عمل درآمد کیا گیا ہے۔
ہینگاؤ کے اعدادوشمار کی بنیاد پر ایران کے عدالتی نظام نے 547 سیاسی، شہری اور مذہبی کارکنوں کو قید، کوڑے اور سماجی محرومیوں کی سزائیں سنائی ہیں۔ جن کارکنوں کو قید اور کوڑوں کی سزا سنائی گئی ان میں سے 40 فیصد سے زیادہ کرد شہری تھے، جو کہ 216 مقدمات ہیں۔ 104 افراد کا تعلق دیگر قومی اور نسلی اقلیتوں سے تھا جن میں ترک آذری، بلوچ، عرب، لر بختیاری اور گیلک شہری شامل تھے۔ نیز، مذہبی اقلیتوں میں، 64 کیسز کے ساتھ سب سے زیادہ کیسز بہائی شہری تھے۔
ان 547 مذہبی افراد کو ان کی سیاسی، مذہبی، سول، ماحولیاتی اور ٹریڈ یونین سرگرمیوں کی وجہ سے 94 اور 2 سال اور 8 ماہ قید کی سزا سنائی گئی ہے اور ان میں سے 50 کو جن میں 37 کرد بھی شامل ہیں، کو کل پانچ سو سینتالیس کوڑوں کی سزا سنائی گئی ہے۔ نیز، ان میں سے 30 کو سزائے قید اور کوڑوں کے علاوہ مجموعی طور پر 94 سال کی معطل قید کی سزا سنائی گئی ہے۔
2023 کے دوران، اسلامی جمہوریہ ایران کے عدالتی نظام نے کم از کم 5 بچوں کو قید اور کوڑوں کی سزا سنائی ہے، جو تمام کرد شہری ہیں، اور 144 خواتین کو بھی قید اور کوڑوں کی سزا سنائی گئی ہے، جو کہ 25.5 فیصد کے برابر ہے۔ ان تمام کارکنوں میں سے جن کو قید اور کوڑوں کی سزا سنائی گئی ہے۔
*گزشتہ سال 122 خواتین کو قتل کیا گیا۔*
انسانی حقوق کی تنظیم کے مطابق سال 2023 کے دوران پورے ایران میں 122 خواتین کو قتل کیا گیا، جن میں سے 39 خواتین کے قتل کے 32 فیصد کے برابر تھیں۔ جو کہ غیرت کے نام پر بھی قتل کیئے گئے۔
ان اعدادوشمار کے مطابق سب سے زیادہ خواتین تہران، البرز، مغربی آذربائیجان (ارومیا)، کرمانشاہ (کرماشان) اور فارس کے صوبوں میں قتل کیئے گئے ۔
اس کے علاوہ جن خواتین کو قتل کیا گیا ان میں سے زیادہ تر کو ان کے شوہروں، سابقہ شوہروں، والد، بھائیوں یا خاندان کے دیگر قریبی افراد نے قتل کیا۔
