لندن: (ہمگام نیوز) شمالی کوریا خبر ایجنسی (کے سی این اے) کے مطابق کِم نے، جنوبی کوریا اور امریکہ کی مشترکہ اور شمالی کوریا کے مقابل قوّت مزاحمت میں اضافے کے زیرِ مقصد جاری، “آزادی ڈھال” مشقوں کے آغاز سے 2 روز بعد فوجی تربیتی بیس کا دورہ کیا ہے۔
دورے کے دوران کِم نے بیس کے تربیتی مراکز اور فوجی یونٹوں کی تربیت کا جائزہ لیا ہے۔ فوجی یونٹوں سے خطاب میں انہوں نے کہا ہے کہ دشمن تباہ کن طاقت کا مالک ہے۔ جنگ شروع کرنے کے لئے دشمن کی معمولی سے معمولی کاروائی پر فوری قابو پانے کے لئے ہمیں اپنی جنگی قابلیت میں اضافہ کرنا اور اس کے لئے جنگی مشقوں میں اضافہ کرنا ہو گا۔
صدر کِم جونگ اُن نے جنوبی کوریا اور امریکہ کی جنگی مشقوں کی مذّمت کی اور مذکورہ ممالک کو وارننگ دی ہے کہ انہیں اپنی کاروائیوں کا بھاری بدل چُکانا پڑے گا۔
واضح رہے کہ جنوبی کوریا اور امریکہ نے مشترکہ دفاعی قوّت کی تقویت کے لئے 4 مارچ کو “آزادی ڈھال” فوجی مشقیں شروع کی تھیں۔
مشقوں میں برّی ،بحری، فضائی اور سائبر وسائل کا استعمال کر کے ملٹی فیلڈ آپریشنوں اور جوہری آپریشنوں کی جوابی قابلیت پر توجہ مرکوز کی گئی ہے۔
شمالی کوریا اس نوعیت کی مشقوں کو قبضے کی تیاری قرار دے رہا ہے لیکن سیول اور واشنگٹن نے فوجی مشقوں کو دفاعی مقاصد کی حامل قرار دے کر شمالی کوریا کے دعوے مسترد کر دیئے ہیں۔
