نیویارک: (ہمگام نیوز) امریکی ٹیکنالوجی کمپنی گوگل نے نیویارک میں ایک ٹیکنالوجی ایونٹ میں اسرائیل کے خلاف احتجاج کرنے والے اپنے انجینئر کو برطرف کردیا۔
گوگل کے ترجمان نے ایک بیان میں کہا کہ اس ہفتے کے شروع میں، ایک ملازم نے کمپنی کی طرف سے سپانسر کردہ ایک سرکاری تقریب میں مداخلت کی اور ایک ساتھی کو بولنے سے روک دیا جو پریزنٹیشن دے رہا تھا۔
بیان میں کہا گیا ہے کہ “مسئلہ کچھ بھی ہو، یہ رویہ ناقابل قبول تھااور ہماری پالیسیوں کی خلاف ورزی کرنے پر ملازم کو برطرف کر دیا گیا ہے۔
پیر کو نیویارک میں منعقدہ ایک تقریب میں، گوگل کلاؤڈ انجینئر نے ایک اسرائیلی ایگزیکٹو کی تقریر میں یہ کہہ کر خلل ڈالا تھا کہ “میں ایسی ٹیکنالوجی تیار کرنے سے انکار کرتا ہوں جو نسل کشی، نسل پرستی یا نگرانی کو بااختیار بنائے۔
