بارسلونا ( ہمگام نیوز ) اسپین کے شمالی علاقوں میں طوفانی بارشیں ، کئی افراد سیلابی ریلے میں بہہ گئے۔ اسپین کے شمالی علاقوں میں طوفانی بارشوں اور سیلابی ریلوں کے سبب لوگوں نے گاڑیوں کی چھتوں اور درختوں پر چڑھ کر اپنی جانیں بچائیں۔
ذرائع کے مطابق سیلابی ریلوں میں کئی افراد بہہ گئے، راستے میں جو بھی آیا ریلہ اُسے بہا کر لے گیا۔میڈرڈ کا شمالی علاقہ ذراگوسا غیر متوقع طور پر سب سے زیادہ متاثر ہوا ہے جہاں سڑکیں ندی نالوں کا منظر پیش کرنے لگیں۔بعض علاقوں میں صرف 10 منٹ کی بارش ہی تباہی لے آئی۔مضافاتی علاقوں میں کہیں اولے پڑے تو کہیں آندھی آئی، بڑا علاقہ بجلی سے محروم ہوگیا اور قیمتی فصلیں تباہ ہوگئیں۔
