تہران (ھمگام نیوز) رپورٹ کے مطابق اتوار 8 مارچ 2026 کو صوبہ اصفہان کے شہر نجف آباد میں کئی فوجی اور سکیورٹی مراکز کو حملوں کا نشانہ بنایا گیا۔ اطلاعات کے مطابق تقریباً رات 2 بجے پادگان عاشورا، تھانہ نمبر 12، ڈپٹی کمشنر (فرمانداری) کی عمارت اور وزارت اطلاعات سے وابستہ ایک مرکز کو نشانہ بنایا گیا، جبکہ شہر کے مختلف علاقوں میں کئی دھماکوں کی آوازیں سنی گئیں۔
دوسری جانب تہران میں گزشتہ شب شہران آئل ڈپو میں ہونے والے دھماکے کے اثرات آج بھی دیکھے جا رہے ہیں۔ شہریوں کی جانب سے شیئر کی گئی تصاویر اور رپورٹس کے مطابق آج صبح کے ابتدائی اوقات میں تہران کے مختلف علاقوں میں بارش کے ساتھ راکھ اور سیاہ دھوئیں کے ذرات بھی گرے۔
یہ صورتحال خاص طور پر شہران، نیایش ایکسپریس وے اور ستاری چوک کے اطراف جبکہ خیابان قائم مقام (سنائی کے قریب) کے علاقوں میں دیکھی گئی، جہاں گاڑیوں اور زمین کی سطح سیاہ راکھ سے ڈھکی ہوئی نظر آئی۔
عینی شاہدین کے مطابق شہران آئل ڈپو کے دھماکے سے اٹھنے والے دھوئیں کے گھنے بادل صبح تک تہران کے آسمان میں موجود رہے، جبکہ شہریوں نے دارالحکومت کے بعض علاقوں میں شدید فضائی آلودگی اور راکھ کی بارش جاری رہنے کی اطلاع دی ہے۔
