واشنگٹن(ہمگام نیوز) مانیٹرنگ نیوز ڈیسک رپورٹس کے مطابق امریکہ کے اسٹیٹ ڈپارٹمنٹ کی جانب سے 18 دسمبر کو جاری فہرست میں میانمار، چین، اِریٹیریا، شمالی کوریا، پاکستان، سعودی عرب، تاجکستان اور ترکمانستان کو ’خصوصی تشویش والے ممالک‘سی پی سی کی فہرست میں دوبارہ شامل کیا گیا ہے۔
امریکی اسٹیٹ ڈپارٹمنٹ بین الاقوامی مذہبی آزادی کے قانون 1998 کے مطابق مزکورہ ممالک کو اس فہرست میں شامل کرتا ہے اور سی پی سی فہرست میں ممالک پر الزام ہے کہ یہ باقاعدہ منظم طریقے سے مذہبی آزادی کی خلاف ورزی کر رہے ہیں۔اس فہرست میں شامل ممالک کو امریکی کی جانب سے معاشی پابندیوں سمیت مزید کارروائیوں کا سامنا ہوسکتا ہے۔
اسٹیٹ ڈپارٹمنٹ نے’ مذہبی آزادی کی سنگین خلاف ورزی ‘ کرنے والی حکومتوں کی خصوصی واچ لسٹ (SWL ) میں روس، اور ازبکستان کی شمولیت کی تجدید کی ہے اور کیوبا، نکاراگوا، نائیجیریا اور سوڈان کو اس فہرست میں شامل کیا گیا ہے۔
سوڈان کو شہری عبوری حکومت کی جانب سےگزشتہ حکومت کی جانب سے ’ مذہبی آزادی کی منظم اور سنگین خلاف ورزیوں کے حل کے لیے کیے جانے والے اقدامات کی وجہ سے شامل کیا گیا ہے۔امریکی اسٹیٹ ڈپارٹمنٹ نے النصرہ فرنٹ، خلیج نما عرب میں القاعدہ، الشباب، بوکوحرام، ایرانی حمایت یافتہ شیعہ مسلح تنظیم حوثی، داعش، داعش-خراسان اور طالبان کو خصوصی تشویش والی تنظیموں میں شامل کیا ہے۔
واچ لسٹ میں وہ ممالک شامل ہیں جہاں مذہبی آزادی کی صورتحال سی پی سی کی شرائط کی قانونی سطح پر پورا نہیں اترتی لیکن حکومتوں کی جانب سے مذہبی آزادی کی خلاف ورزیوں کی حد اور نوعیت کی وجہ سے نزدیک سے نگرانی کی بھی ضرورت ہوتی ہے۔
امریکی اسٹیٹ ڈپارٹمنٹ نے النصرہ فرنٹ، خلیج نما عرب میں القاعدہ، الشباب، بوکوحرام، حوثی، داعش، داعش-خراسان اور طالبان کو خصوصی تشویش والی تںظیموں میں شامل کیا ہے۔
امریکی اسٹیٹ ڈپارٹمنٹ نے کہا کہ ’ یہ فہرست امریکا کی جانب سے اپنے مذہب یا عقیدے پر عمل کی آزادی کی کوشش کرنے والے افراد کے تحفظ کے عزم کی نشاندہی کرتی ہے‘۔
اسٹیٹ ڈپارٹمنٹ نے کہا کہ ’ ہم مانتے ہیں کہ ہر کسی کو، ہرجگہ، ہر وقت اپنے مذہب کی ہدایت کے مطابق زندگی گزارنے کا حق حاصل ہونا چاہیے‘۔
