واشنگٹن ( ہمگـام نیوز ) مانیٹرنگ نیوز ڈیسک رپورٹس کے مطابق امریکی صدارتی طیارے میں سوار ٹرمپ نے صحافیوں کو بتایا کہ وہ ایران کے ثقافتی ٹھکانوں کو نشانہ بنانے کے لیے تیار ہیں، کیونکہ ایران نے امریکیوں کو ہلاک کیا ہے۔ انہوں نے تہران پر نئی پابندیاں عائد کرنے کا بھی اشارہ دیا۔
امریکی صدر ڈونلڈ ٹرمپ نے مزید ایران کو دھمکی دی ہے کہ پاسداران انقلاب کے کمانڈر قاسم سلیمانی کی ہلاکت کا جواب دینے کی صورت میں تہران کو ایک “بڑے انتقام” کا سامنا ہو گا۔
اس قبل اپنے ایک ٹویٹر پیغام میں امریکی صدر ڈونلڈ ٹرمپ نے خبردار کیا تھا کہ امریکہ پر حملے کی صورت وہ ایران پر ایسی کاری ضرب لگائیں گے جو ماضی میں کبھی نہ لگی ہوـ انہوں نے کہا میرا ایران کو نصیحت ہے کہ وہ حملے سے باز رہےـ حملے کے صورت میں ان پر ایسا وار ہوگا جو ماضی میں کبھی نہ ہوا۔ ٹرمپ کا یہ دھمکی اتوار کے روز عراقی فوج کے اُس اعلان کے بعد سامنے آئی جس میں بتایا گیا تھا کہ دارالحکومت بغداد میں 6 کیٹوشیا راکٹ گرے ہیں۔
ان میں 3 راکٹ انتہائی حساس گرین زون میں اور 3 راکٹ ملحقہ علاقے الجادریہ میں گرے۔ اسی طرح ذرائع نے تصدیق کی ہے کہ دارالحکومت میں امریکی سفارت خانے کے سامنے واقع گھر پر ایک راکٹ گرنے سے متعدد شہری زخمی ہوئے۔ اس کے علاوہ الجادریہ کے علاقے میں سفارت خانے آنے والے معلق پُل کے نزدیک بھی کئی لوگوں کے زخمی ہونے کی اطلاعات ملیں۔
یہ پیش رفت اتوار کے روز عراقی پارلیمنٹ کی جانب سے سامنے آنے والے اُس اعلان کے دیکھنے میں آئی جس میں بتایا گیا کہ ملک سے غیر ملکی افواج کے نکلنے کی متقاضی قرار داد منظور کر لی گئی ہے۔
بغداد کی مقامی آبادی نے علاقے میں امریکی طیاروں کی کثیر اڑان کی تصدیق کی۔
عراق سے انخلاء کے بارے میں ٹرمپ کا کہنا تھا کہ امریکا،،، عراقی سرزمین سے ہر گز کوچ نہیں کرے گا الا یہ کہ اسے وہاں فضائی اڈے کی قیمت چکانا پڑے۔ امریکی صدر نے بغداد کو دھمکی دی کہ اگر امریکی فوج کو کوچ کرنے پر مجبور کیا گیا تو عراق کو بڑی پابندیوں کا سامنا کرنا ہو گا۔
