اوٹ نہ دیگ سوب ءُ پاھدگ چے اَنت؟

*ھمگام بلوچی نبشتانک*

*نبشتہ کار: ھیات بلوچ*

انگریز سال1839 ءَ بلوچستان سر

ءَ اُرش کرت ءُ بلوچستان ءَ کُوزہ کٌرت اے وهد ءَ بلوچستان یک بلوچستانے اَت ءُ سے ٹکٌر ءَ بهر نہ اَت-

سال 1869 “ناصرالدین قاجار” ایران ءِ سروک گوں انگریز ءِ همراهی ءُ کمک ءَ پہ بلوچستان سرا اُرش کُرت ءُ بھرے قبضہ اِش کُرت انگریز پہ وتی سیتانی واستا سال1871 ءَ بلوچستان ءَ دو بهر کُرت ءُ سیمسرے جوڈ کُرت کہ گولڈاسمیت نام ءَ نامدار بوت-

انگریز ءَ یک بھرے وتی دست ءَ داشت ءُ یک بھرے ایران ءَ دات بلے اے درگت ءَ بلوچ راج ءَ گوں ایران ءَ گھگیری کُرت ءُ سال 1907 ءَ بلوچاں گوں امیربهرام ھان بارانزهی ءِ سروکی ءَ وتی آجوئی اِش چہ ایران ءَ گجر گیپت ءُ وتی سرڈگار ءِ واجہ بوت اِنت-

بلے سال 1928 ءَ ایران ءِ گجر گوں “رزا ھان پهلوی” کہ انگریز ءِ کاردار اَت پہ رو ایرشتی بلوچستان ءِ سرا اُرش کُرت ءُ بلوچانی وت واجهی ءِ ھلاس کت، بلے انگت جنگ هلاس نہ بوت ءُ بلوچاں گوں ایران ءِ گجر پہ وتی آجوئی ءِ گرگ واستا جنگ اِش کُرت ءُ سال 1952 ءَ دادشاه گوں وتی سنگتاں گوں ایرانی گجر ءَ جنگ اِش کٌرت ءُ دادشاه گوں وتی سنگتان سال 1958 ءَ ایرانی لشکر ءِ دست ءَ شهید کنگ بوت ءُ دادشاه رند بازیں ورنا اَنچوش شهید رحیم زرد کوهی ءُ مالک ریکی ءَ گوں ایران جنگ اِش کُرت-

 اے 96 سال اِت کہ بلوچستان ایرانی لشکر ءِ آماچ اِنت گجر هر چار سال ءِ سرا گچینکاری کنگ ءَ اِنت ءُ هرگچینکاری تہ ءَ گوش ایت کہ بلوچستان ءَ آباد کن ایں بلے اے گچینکاری بلوچ راج ءَ هچ وڑ ءُ پیمیں سوب نہ داتگ

یک مارچ ءَ پد ءَ ایران ءِ پارلیمانی گچینکاری انت همے باروا ایران باز کوشست کنگ ءَ اِنت دانکہ بلوچ راج اے گچینکارے ءَ بهر بہ زیر اِنت بلے  بلوچ جهدکارانی گوشگ اِنت کہ ایران ءِ گچینکارے ءَ بهر مہ زیر اِت چیا کہ اے گچینکارے ءَ بلوچ راج ءَ هچ وڈ ءُ پیم سوب نہ دنت بس بلوچ ءِ کُشگ گیش بیت۔

گچینکاری هما وهد ءَ بلوچ راج ءَ سوب دنت کہ بلوچ وتی سرڈگار ءِ واجہ وت بیت۔

 اے درگت ءَ  بازیں مردمے گوں وت ءَ سوچ کنگ ءَ اَنت اگاں ما گچینکاری ءَ بهر مہ زیر ایں ایشی سوب ءُ پائدگ چے اِنت ءُ ایرانی زورگیر چوں سست بیت ؟

اے باروا گوشگ لوٹیت کہ هر ریاست پہ مردمانی کُمک ءِ مهتاج اِنت گڑا  په اے کمک ءَ کٹّگ لوٹیت مردم ماں گچینکاری ءَ بهر بہ زیر اِنت تاں کہ میان استمانی دنیا ءَ پیش بہ دار اِنت کہ بلوچ راج مئے حکومت ءَ منّگ ءَ اِنت-

بلے اگاں بلوچ راج تپاک بہ بیت ءُ اے گچینکاری ءَ بهر مہ زیر اِنت گڑا بلوچ راج میان استمانی دنیا ءَ گوشت کنت کہ ما ایران ءُ پاکستان ءَ نہ منّ ایں ءٌ وتی آجوئی  ءَ لوٹ ایں- گڑا  ایران ءِ آوارجتگیں بلوچاں همے سوچ ءَ گون وت بہ کنت اِنت کہ مئے هر اوٹ یک تیر یے کہ مئے راج ءِ سینگ ءَ جنگ بوھگ انت۔

روایرشتی بلوچستان ءِ بلوچاں باید اِنت اَنچوش کہ رو دراتکی  بلوچستان ءِ بلوچاں گچینکاری ءَ بهر مہ زیر اِنت ءُ اوٹ مہ دے انت چی ءَ کہ گوں اوٹ دیگ بلوچ آباد  نہ بیت بس بلوچ گیشتر کُشگ بیت

یک دانا یے گوشیت اگاں اوٹ دیگ ءَ سوب بیت ایں ناشرکار ایں سرکار مارا اوٹ دیگ ءِ اجازت نہ دات-