واشنگٹن (ہمگام نیوز ) پیٹاگون نے کہا جمعرات کو شمال مشرقی شام میں ڈرون حملے میں ایک امریکی کنٹریکٹر ہلاک اور پانچ امریکی فوجی زخمی ہوگئے۔
امریکی انٹیلی جنس اداروں نے کہا ہے کہ “ایک بغیر پائلٹ کی فضائی گاڑی” جس نے ہسکا کے قریب ایک اتحادی اڈے پر دیکھ بھال کرنے والوں کو نشانہ بنایا وہ “ایرانی ڈرون ” تھی، امریکی محکمہ دفاع نے یہ بیان جمعرات کو دیر گئے جاری کی ۔
بیان کے مطابق، زخمی سروس کے دو ارکان کا جائے وقوعہ پر علاج کیا گیا، جب کہ تین دیگر اور امریکی کنٹریکٹر کو اس واقعے کے بعد عراق میں اتحادی طبی مراکز لے جایا گیا۔
سیکریٹری دفاع لائیڈ آسٹن نے ایک بیان میں کہا کہ صدر بائیڈن کی ہدایت پر، انہوں نے امریکی سنٹرل کمانڈ فورسز کو جمعرات کی رات مشرقی شام میں ایران کے اسلامک سے وابستہ گروپوں کے تنصیبات کے خلاف فضائی حملے” کرنے کا اختیار دیا ہے ۔
انہوں نے کہا، “یہ فضائی حملے آج کے حملے کے ساتھ ساتھ IRGC سے وابستہ گروپوں کی طرف سے شام میں اتحادی افواج کے خلاف حالیہ حملوں کے جواب میں کیے گئے۔”
آسٹن نے مزید کہا، “جیسا کہ صدر بائیڈن نے واضح کیا ہے، ہم اپنے لوگوں کے دفاع کے لیے تمام ضروری اقدامات کریں گے اور ہمیشہ اپنی پسند کے وقت اور جگہ پر جواب دیں گے۔”
شامی اور ایرانی حکام نے فوری طور پر ان واقعات پر کوئی تبصرہ نہیں کیا۔
