ایران بلوچ ءِ دوست بیتگ نہ بیت راجدپتر گواہ اِنت کہ ایران تاں روچ مرچی بلوچ ءَ گار ءُ بیگوہ کنگ ءَ سر مہ سر اِنت،ھزاراں بلوچ تیرانی نِشانگ کُرتگ ءُ پہ لُنکائے نان ءَ ھزاراں زانتکار بُرتگ وتی زنداناں بندی کُرتگ،بلوچ ءَ ایرانی نظام ءَ انچش کُرتگ کہ یک ءگپے مہ جنت اگاں یک بلوچے ءَ گپے جَتگ آر ءَ ھما دمان ءَ بیگواہ کتگ ھچ کس سر پد نہ بیت کُجام زنداناں بند جیل کُرتگ انت،
لھتیں مُلک گوں پاکستان ءَ ھمدست اَنت چہ آ مُلکاں یکے ایران اِنت درستیں رِپک ءُ ھُنرانی ھیل دئیگ سر ءُ سوج کنوک ءُ کُمک کنوک اِنت پاکستان ءِ،ایران ءُ پاکستان ھر دوکانی گند نند مُدام جاری ساڑی اَنت پگر کن اَنت چون بلوچ ءِ گیش راہ ءُ دراں بند بہ کناں تہ بلوچ بیوس لاچار بہ بیت.
بلوچ جُھد کار ایرانی قبضہ کتگیں بلوچستان ءَ شھید بوھگ ءَ اَنت چہ ھردو مُلکانی داشتگیں زری کرایہ کشندھانی دست ءَ ،
بلوچ جھدکار وتی زھن ءَ اے گپ ءَ ایر بکن اَنت کہ چہ دژمن ءَ لوٹ نہ بیت کہ دژمن من ءَ کُمک بہ کنت اے وت گلائی ءَ ابید دگے ھچے نہ انت.
بلوچے گلام کنگ ُ بھر کنگ ءَ پروشگ ءَ باریں ما پگر بکنیں کُجام مُلکانی دست ھور بیتگ او انگت بلوچ سرزمین ءِ آجوئی ءَ وش نہ بنت چینکس مُلک یکسرا پاکستان ءَ کُمک کن اَنت دگہ چینکس چیروکائی ءَ پاکستان ءِ بگّیری ءَ کن اَنت
چارگ ءُ پگر کنگی اِنت کہ بلوچ ءِ کئے دوست اِنت کئے دژمن گڑا نوں تو وتی دوست ءُ دژمن ءَ زان ئے یک راھے درگیج ءِ چہ کُجام ملک ءَ ھمایت لوٹگی جار ءَ جَنے چہ دژمن ھمایت لوٹگ منی پھم ءَ چہ ڈنّ انت،
ایران ھچبر وش نہ بیت بلوچستان یک آجوئیں وتن ءِ بہ بیت بلوچستان ءِ آجوئی یے دارگ ءِ ھلاس کنگ ءِ پگر چہ پاکستان ءَ ایران ءَ را گیشتر ھست اِنت ایران سر پد اِنت کہ اگاں یک بلوچستانے آجو بہ بیت نوبت منی دست ءِ چیرے بلوچستان ءِ باریگ بیت ایران ءِ سیاست باز بالا اِنت پاکستان ءِ رھشونی کنوک اِنت بلوچ نسل ءِ گار کنوک اِنت ۔
چہ ایران پاکستان ءَ کُمک لوٹوک وتی دل ءَ اے ھیال ءَ بِکش اَنت ، دوئیں مُلک یک اَنت ۔
گوں چمّاں بگنداں بلوچ ءَ گوں کُجام داب ءَ رپتار کنگ ءَ اَنت بلوچ ءَ پاھو دیگ ءَ اَنت گارءُ بیگوہ کنگ اَنت وتی مُلک ءَ چہ در پہ در کنگ ءَ اَنت چہ وانگ ءَ زبھر کنگ بوھگ اِنت بلوچ،بزگیں جاوراں سر کُتگ ءُ انگت بلوچ ءَ گیش قبضہ کنگ ءُ گلام کنت چہ وتی ناسرپدیں بلوچ ءِ دست ءَ ،
مئے ھمایت وتی جند ءِ بلوچ راجے بہ بیت او ھما استان مُلک بہ بنت کہ آھانی تہ ءَ انسان دوستی ھست.
