تہران (ھمگام نیوز) ایران کے عرب اکثریتی شہر اہوازمیں نوجوان شاعر حسن الحیدری کے قاتلانہ حملے میں قتل کی اطلاعات کے بعد رات کے مظاہرے دیکھنے میں آئے ہیں۔
تفصیلات کے مطابق شاعر الحیدری کو ہفتے اور اتوار کی درمیانی شب اسپتال منتقل کیا گیا جہاں ان کی موت کی تصدیق کی گئی ہے۔
سوشل میڈیا پر اھواز میں شاعر الحیدری کے قتل کے خلاف اھواز میں کوٹ عبداللہ ، علوی اور الشکارہ کے مقامات پر مظاہروں کی ویڈیوز شامل ہیں۔ ان ویڈیوز میں بڑی تعداد میں بلوچ، کرد اور ترک اقوام کے شہری احتجاج کرتے دیکھے جاسکتے ہیں۔ مظاہرین اور سوشل میڈیا کارکنان نے شاعر الحیدری کے قتل کی جامع اور فوری تحقیقات کا مطالبہ کرتے ہوئے اس اندوہناک قتل میں ملوث عناصر کو کیفر کردار تک پہنچانے کا مطالبہ کیا۔ ویڈیوز میں کوٹ عبداللہ میں ٹائر جلا کرلوگوں کو سیاسی شاعر کے قتل کی تحقیقات کا مطالبہ کیا گیا ہے۔ مظاہرین حکومت کے خلاف بھی شدید نعرے بازی کررہے ہیں ـ
اھوازی کارکنوں نے ایرانی حکومت پر یہ بھی الزام لگایا کہ وہ دوران حراست حیدری کو زہر دے کرمارنا چاہتی تھی تاہم ایک ماہ قبل انہیں ضمانت پر رہا کیا گیا تھا۔
ایرانی رجیم پر الزام عاید کیا جاتا ہے کہ وہ اپنے سیاسی مخالفین کو کچلنے کے لیے ایسے پراسرار حربے استعمال کرتی ہے جس سے ریاست کے ملوث ہونے کا شبہ کم ہوجاتا ہے۔ مثال کے طور پر مخالفین کو زہر دے کرقتل کرنا، ٹریفک حادثات میں قتل کرنا یا پانی میں ڈبو کر ہلاک کرنے کے ہتھکنڈے شامل ہیں ـ
یاد رہے کہ چند سالوں سے کئی اھوازی سیاسی کارکن ایرانی ٹارچر سیلوں انسانیت سوز تشدد سہ رہے ہیں اور کئی سیاسی کارکن ٹارچر سیلوں میں غیر انسانی تشدد سے جانبحق ہوگئے ہیں۔
ایران میں اھوازی شاعر کے بہیمانہ قتل کے خلاف اھوازی، بلوچ کرد اورترک سراپا احتجاج
