برازیل (ہمگام نیوز ڈیسک) تازہ ترین اطلاعات کے مطابق برازیل کی ریاست پارا کے شہر بیلم کے ایک بار میں مسلح افراد نے فائرنگ کر دی جس کے نتیجے میں 11 افراد ہلاک ہو گئے۔
برازیلین حکام نے واقعے کی تصدیق کرتے ہوئے بتایا ہے کہ 7مسلح افراد نے بار میں فائرنگ کی اور فرار ہو گئے،فائرنگ سے 11 افراد ہلاک ہوئے ہیں۔
مقامی میڈیا نے دعویٰ کیا ہے کہ فائرنگ سے ایک حملہ آور زخمی ہوا ہے جو پولیس کی حراست میں ہے۔
برازیلین حکام کا مزید کہنا ہے کہ فائرنگ میں ہلا ک ہونے والے 11 افراد میں میں 6 خواتین اور 5 مرد شامل ہیں،اس واقعے کی فوری طور پراب تک کوئی وجہ سامنے نہیں آئی ہے۔
برازیل: بار میں فائرنگ، 6 خواتین سمیت 11 افراد ہلاک
