شال ( مانیٹرنگ ڈیسک ) بلوچ یکجہتی کمیٹی کے شال سمیت مختلف زونوں نے اپنے اپنے بیان جاری کرتے ہوئے کہا ہے کہ آج ریاست پاکستان نے بلوچستان میں دہشت گردی اور بربریت کی تمام حدیں پار کر دی ہیں۔ کوئٹہ میں پرامن مظاہرین پر براہ راست فائرنگ کے نتیجے میں اس وقت ہمارے تین ساتھی شہید جبکہ درجنوں زخمی ہیں، جن میں سے سات کی حالت شدید تشویشناک ہے۔
انہوں نے کہا کہ بلوچ یکجہتی کمیٹی ریاست پاکستان کے اس جبر اور دہشت گردی کے خلاف پورے بلوچستان کو بند کرنے کا اعلان کرتی ہے۔ کل پورے بلوچستان میں شٹر ڈاؤن اور پہیہ جام ہڑتال ہوگی۔
بیان میں کہا گیا ہے کہ جبکہ اس وقت شہیدوں کی لاشوں کے ساتھ سریاب روڈ پر دھرنا جاری ہے، ہم کوئٹہ کے عوام سے گزارش کرتے ہیں کہ وہ جلد از جلد دھرنا گاہ پہنچیں۔
تفتان میں بلوچ یکجہتی کمیٹی کی مرکزی کال پر کل، 22تاریخ بروز ہفتہ،
تفتان میں مکمل شٹر ڈاؤن ہڑتال کا اعلان کرتے ہیں ۔
بلوچ یکجہتی کمیٹی رخشان ریجن چاغی زون کہاہےکہ بلوچ یکجہتی کمیٹی کی پرامن ریلی پر براہ راست فائرنگ کی، جس کے نتیجے میں تین مظاہرین شہید ہوگئے، جبکہ متعدد خواتین اور بچے زخمی ہوئے۔
ہم تفتان کے عوام سے اپیل کرتے ہیں کہ وہ بلوچستان میں جاری ریاستی دہشتی گردی کے خلاف کل تفتان میں اپنی دوکانیں بند رکھیں۔
بلوچ یکجہتی کمیٹی (لسبیلہ ریجن) کا اعلامیہ میں کہاکہ آج ریاست پاکستان نے بلوچستان میں دہشت گردی اور بربریت کی تمام حدیں پار کر دی ہیں۔ کوئٹہ میں پرامن مظاہرین پر براہ راست فائرنگ کے نتیجے میں بلوچ یکجہتی کمیٹی کے تین ساتھی شہید جبکہ درجنوں زخمی ہوئے ہیں، جن میں سے سات کی حالت تشویشناک ہے۔
ریاست کے اس ظلم اور جبر کے خلاف بلوچ یکجہتی کمیٹی لسبیلہ ریجن کل پورے ریجن میں مکمل شٹرڈاؤن اور پہیہ جام ہڑتال کا اعلان کرتی ہے۔
ہم لسبیلہ ریجن کے تمام عوام، دکانداروں، ٹرانسپورٹرز، طلبہ اور تمام شعبہ ہائے زندگی سے تعلق رکھنے والے افراد سے اپیل کرتے ہیں کہ اس احتجاج میں بھرپور شرکت کرکے بلوچ یکجہتی کا ثبوت دیں۔
ہم سب کو اپنے شہیدوں کا ساتھ دینا ہوگا
نوکنڈی زون کے ترجمان نے جاری بیان میں کہاکہ بلوچ یکجہتی کمیٹی کی مرکزی کال پر کل، بروز ہفتہ، نوکنڈی میں مکمل شٹر ڈاؤن ہڑتال اور نوکنڈی بابِ عمر کے مقام پر مین آرسی ڈی شاہرہ کو ہر قسم کے آمدو رفت کے لیے بلاک کردیا جاۓ گا۔
جبکہ نوکنڈی میں شٹر ڈاؤن ہڑتال بھی ہوگی۔
خضدار بلوچ یکجہتی کمیٹی کی مرکزی کال پر کل، بروز ہفتہ، خضدار میں مکمل شٹر ڈاؤن ہڑتال، پہیہ جام اور احتجاجی ریلی نکالی جائے گی۔
آج کوئٹہ میں بلوچ یکجہتی کمیٹی کے پرامن احتجاج پر ریاستی فورسز نے وحشیانہ فائرنگ کی، جس کے نتیجے میں پانچ مظاہرین شہید ہوگئے، جبکہ متعدد خواتین اور بچے شدید زخمی ہوئے۔
اس ریاستی جبر کے خلاف، کل خضدار بھر میں مکمل شٹر ڈاؤن اور پہیہ جام ہڑتال ہوگی۔ اس کے علاوہ 2 بجے شہید رزاق چوک سے ایک بڑی احتجاجی ریلی نکالی جائے گی۔
ہم خضدار کے عوام سے اپیل کرتے ہیں کہ وہ اس احتجاج میں بھرپور شرکت کریں اور ریاستی مظالم کے خلاف اپنی آواز بلند کریں۔
سوراب بلوچ یکجہتی کمیٹی کی مرکزی کال پر کل، بروز ہفتہ، سوراب میں مکمل شٹر ڈاؤن ہڑتال اور پہیہ جام ہوگا۔ مین آر سی ڈی روڈ کو ہر قسم کی آمد و رفت کے لیے بند کر دیا جائے گا، جبکہ سوراب بھر میں شٹر ڈاؤن ہڑتال ہوگی۔
آج کوئٹہ میں ریاستی اداروں نے بلوچ یکجہتی کمیٹی کی پرامن ریلی پر براہ راست فائرنگ کی، جس کے نتیجے میں تین مظاہرین شہید ہوگئے، جبکہ متعدد خواتین اور بچے زخمی ہوئے۔
ہم سوراب کے عوام سے اپیل کرتے ہیں کہ وہ کل کے احتجاج میں بھرپور شرکت کریں۔
چاغی بلوچ یکجہتی کمیٹی کے ترجمان نے کہاہے کہ
آج ریاست پاکستان نے بلوچستان میں دہشت گردی اور بربریت کی تمام حدیں پار کر دی ہیں۔ کوئٹہ میں پرامن مظاہرین پر براہ راست فائرنگ کے نتیجے میں بلوچ یکجہتی کمیٹی کے تین ساتھی شہید جبکہ درجنوں زخمی ہوئے ہیں، جن میں سے سات کی حالت تشویشناک ہے۔
ریاست کے اس ظلم اور جبر کے خلاف بلوچ یکجہتی کمیٹی چاغی کل پورے ضلع چاغی میں مکمل شٹرڈاؤن اور پہیہ جام ہڑتال کا اعلان کرتی ہے۔
ہم چاغی کے تمام عوام، دکانداروں، ٹرانسپورٹرز، طلبہ اور تمام شعبہ ہائے زندگی سے تعلق رکھنے والے افراد سے اپیل کرتے ہیں کہ اس احتجاج میں بھرپور شرکت کرکے بلوچ یکجہتی کا ثبوت دیں۔
ہم سب کو اپنے شہیدوں کا ساتھ دینا ہوگا!
نوشکی بی وائی سی ترجمان بیان میں کہاہے کہ نوشکی کے باشعور عوام ان تاجران نوشکی کو اطلاع دی جاتی ہے کہ بلوچ یکجہتی کمیٹی کے مرکزی کال پر عمل کر کے اس ہڑتال کو کامیاب بنائیں۔
نوشکی کے غیور عوام سے گزارش ہیکہ ریاست کے اس وحشیانہ رویے کے خلاف سڑکوں پر نکل کے پورے شہر کو بند کرنے میں اپنا کردار ادا کریں اور ریاست کو دو ٹوک انداز میں باور کرائیں کہ بلوچ قوم اپنے اوپر ہونے والے مظالم کے خلاف متحد و یکجاہ ہو کر تم سے ہر کیئے کا حساب لے گا۔
سوراب بلوچ یکجہتی کمیٹی کے ترجمان نے مرکزی کال کی ہمایت کرتے ہوئے پہیہ جام اور شٹر ڈاؤن کا اعلان کیا ہے ۔
بلوچ یکجہتی کمیٹی، ساروان ریجن، مستونگ زون
کے ترجمان نے جاری بیان میں کہاہے کہ بلوچ یکجہتی کمیٹی نے 21 مارچ 2025 کو بیرگ بلوچ، ان کے بھائی ڈاکٹر حمل بلوچ، ڈاکٹر الیاس بلوچ، سعیدہ بلوچ اور دیگر لاپتہ افراد کی بازیابی کے لیے پُرامن احتجاج کیا، جس میں بڑی تعداد میں افراد شریک ہوئے۔
ریاستی فورسز نے وحشیانہ طاقت کا استعمال کرتے ہوئے لاٹھی چارج، آنسو گیس، واٹر کینن اور فائرنگ کی، جس سے تین نوجوان شہید، 7 زخمی اور کئی لاپتہ ہو گئے۔
اس ظلم و جبر کے خلاف بلوچ یکجہتی کمیٹی نے بلوچستان بھر میں مکمل شٹر ڈاؤن ہڑتال کی کال دی ہے، جس کے تحت 22 مارچ 2025 کو مستونگ میں بھی مکمل شٹر ڈاؤن ہڑتال ہوگی۔ ہم واضح کر دینا چاہتے ہیں کہ اس جدوجہد میں کسی بھی قسم کا کوئی کمپرومائز نہیں ہوگا۔
نصیر آباد بی وائی سی کے ترجمان نے کہاہے کہ بلوچستان میں جاری بلوچ قوم پہ ریاستی جبر شال میں بلوچ یکجہتی کمیٹی کے پرامن ریلی پہ شیلنگ، تین ساتھیوں کی شہادت اور گرفتاریوں کے خلاف کل بروز ہفتہ 22 مارچ کو بلوچ یکجہتی کمیٹی نصیرآباد زون کی طرف سے ڈیرہ مراد جمالی میں شٹر ڈاؤن اور پہیہ جام ہڑتال ہوگا۔
تمام عوام سے گزارش ہے کہ اس احتجاج میں ساتھ دیکر بلوچ سرزمین کے فرزند ہونے کا ثبوت دیں۔
