بولان: فائرنگ سے باپ اور بیٹی جانبحق، دو بچے زخمی

بولان(ہمگام نیوز)بولان کے علاقے میں نامعلوم افراد نے فائرنگ کرکے باپ اور بیٹی کو ہلاک جبکہ 2بچوں کو زخمی کردیا۔ تفصیلات کے مطابق ہفتہ کو بولان کے علاقے سنی شوران میں نامعلوم مسلح افراد نے گھر میں گھس کرفائرنگ کرکے ایک شخص اکبراوراسکی بیٹی صابرہ کو ہلاک جبکہ 2بچوں محمد حسین اور عابد کو زخمی کردیا اورموقع سے فرار ہوگئے۔ لیویز نے نعشوں اورزخمیوںکو فوری طور پرہسپتال پہنچادیا جہاں نعشیں ضروری کاروائی کے بعد ورثاءکے حوالے کردی گئیں۔ لیویز نے نامعلوم افراد کے خلاف مقدمہ درج کرکے ملزمان کی تلاش شروع کردی۔