شال ( ہمگام نیوز )بلوچستان اطلاعات کے مطابق بلوچ یکجہتی کمیٹی کے رہنما بیبرگ بلوچ کو جیل سے تھانہ منتقل کردیا گیا ہے جہاں انہیں طبی سہولیات بھی نہیں دی جارہی ہے۔ بتایا جارہاہے کہ ان کے پاؤں سوجھ گئے ہیں جبکہ اسپیشل پرسن ہونے کے حوالے سے بھی سہولیات سے محروم کردیا گیا ہے۔
یاد رہے کہ 20 مارچ کی صبح تقریباً 5:30 بجے، پاکستانی فورسز نے کوئٹہ میں بیبرگ کے رہائش گاہ پر چھاپہ مارا، انہیں اور ان کے بھائی ڈاکٹر حمل کو زبردستی حراست میں لے لیا تھا ۔
بیبرگ بلوچ اور کی بازیابی کے لئے بلوچ یکجہتی کمیٹی کی جانب سے احتجاج کا راستہ اپنایا گیا تو فورسز کی جانب سے مظاہرین پر فائرنگ کرکے تین افراد کو قتل کردیا گیا ،نعشیں لیکر بی وائی سی نے دھرنا دے دیا تو اس دوران دھرنے پر دھاوا بول کر ڈاکٹر ماہ رنگ، بییو سمیت متعدد کارکنوں کو گرفتار کرلیا گیا۔
