تمپ:پاکستانی فورسز کی جارحیت،ثنااللہ ولد دادالللہ جبری طور اغوا

تمپ(ہمگام نیوز) آمدہ اطلاعات کے مطابق گذشتہ رات 1بجے قابض پاکستانی فورسز اور اس کے خفیہ اداروں نے تمپ کے علاقے کوھاڈ میں بلوچ چادر و چاردیواری کی پائمالی کرتے ہوئے دادالللہ گل محمد کے گھر میں جارحیت کرکے چھاپہ مارا،جہاں بلوچ دشمن پاکستانی فورسز نے گھر کے خواتین اور معصوم بچوں پر بے رحمی سے تشدد کرکے خوف و ہراس پیھلانے کے بعد ان کے گھروں میں لوٹ مار کرکے قیمتی اشیاء موبائل وغیرہ چوری کرکے اپنے ساتھ لے گئے۔مزید یہ کہ قابض فورسز نے ثناالللہ ولد داد الللہ کو زبردستی گرفتار کرکے جبری طور پر اغوا کرکے انھیں فوجی کیمپ منتقل کردیا۔واضع رہے پاکستان کے ریاستی مشینری اور اس کے ہمنوا میڈیا میں مسلسل یہ دعوہ کررہے ہیں کہ جبری طور اغوا شدہ بلوچ فرزندان کی بازیاب ہورہی ہیں،لیکن اس کے برعکس دوسری جانب بڑی تیز رفتاری کے ساتھ بلوچستان کے طول و عرض میں بلوچ فرزندوں کی پاکستانی فورسز کے ہاتھوں جبری اغوا کا سلسلہ تسلسل کے ساتھ جاری ہے،جہاں مکران کے علاوہ تین روز قبل بولان شاہرگ،ہرنائی،بزگر ،یخو وغیرہ میں فوجی جارحیت کے نتیجے میں کئی بلوچ فرزندوں کو جبری طور اغوا کر کے فوجی کیمپ منتقل کرکے فوجی جارحیت کا سلسلہ شدت کے ساتھ جاری ہیں۔