تہران(ہمگام نیوز ) تہران میں مقیم سیاسی کارکنوں محبوبہ رضائی، سمانہ نوروز مواردی اور رضا محمد حسینی کو ایران کے عدالتی نظام نے مجموعی طور پر اکسٹھ سال اور دس ماہ قید کی سزا سنائی ہے۔
انسانی حقوق کی تنظیم ہینگاو کو موصول ہونے والی رپورٹ کے مطابق محبوبہ رضائی کو حال ہی میں 26 سال اور 5 ماہ قید کی سزا سنائی گئی، سمانہ نوروز مواردی کو 13 سال 9 ماہ قید اور رضا محمد حسینی کو 21 سال قید کی سزا سنائی گئی۔
رضا محمد حسینی کے ساتھ اس مشترکہ مقدمے میں محبوبہ رضائی اور سمانہ نوروز مواردی پر لگائے گئے الزامات میں “حکومتی اپوزیشن کی تحریکوں میں رکنیت”، “اجتماع اور ملی بھگت ” اور “ایران کے خلاف پروپیگنڈہ سرگرمیاں” جیسی الزامات شامل ہیں۔
یکم مئی 2023 کو رضا محمد حسینی کو سیکورٹی فورسز نے ان کے گھر سے گرفتار کیا اور پہلے پاسداران انقلاب کے انٹیلی جنس حراستی مرکز میں، پھر اوین جیل اور آخر 4 نومبر کو کرج کی قزلحسر جیل منتقل کر دیا گیا۔
اس کے علاوہ محبوبہ رضائی کو سکیورٹی فورسز نے اس سال 22 مئی کو ان کے گھر سے گرفتار کیا تھا اور بعد میں انہیں اوین جیل کے خواتین کے وارڈ میں منتقل کر دیا گیا تھا۔
ایک اور سیاسی کارکن سمانہ نوروز مواردی کو سیکیورٹی فورسز نے اس سال 24 مئی کو ان کے گھر سے گرفتار کیا تھا اور پھر انہیں اوین جیل منتقل کر دیا گیا تھا۔
