جاشک ( ہمگام نیوز ) اطلاعات کے مطابق آج بروز اتوار کو جاشک میں جسمانی طور پر معذور ایک بلوچ سماجی کارکن کو قابض ایرانی سیکورٹی فورسز نے گیس اسٹیشن کے سامنے گاڑیوں کی لمبی قطاروں کی فلم بندی کرتے ہوئے گرفتار کیا۔ اس بلوچ شہری کی شناخت 35 سالہ “طاہر رئیسی” ہے جس کا تعلق جاشک کاؤنٹی کے گاؤں گروک سے ہے۔
کہا جاتا ہے کہ سیکیورٹی فورسز نے طاہر کو اس بہانے سے گرفتار کیا تھا کہ اس نے جاشک فیول اسٹیشنز کے سامنے گاڑیوں کی لمبی قطاروں کو فلمایا تھا۔
واضح رہے کہ طاہر رئیسی کی گرفتاری میں ان کے سمن اور نظر بندی کے حوالے سے قانونی مسئلے کے علاوہ دیگر خامیاں بھی ہیں۔ قوانین کے مطابق شہریوں کو اظہار رائے کی آزادی اور اداروں اور افراد پر تنقید کا حق حاصل ہے لیکن بلوچ کے معاملے میں بلوچستان میں اس پر پابندی ہے ۔
