حب، وندر کے قریب ٹریفک حادثے میں 5 افراد جاں بحق۔

حب:(ہمگام نیوز)مانیٹرنگ ڈیسک کی رپورٹ کے مطابق وندر ناکہ کھارڑی کے قریب بریدہ کیمپ کے مقام پر کوئٹہ کراچی شاہراہ پر مزدہ ٹرک اور ہائی روف سوزوکی وین کے مابین تصادم کے نتیجے میں ہائی روف میں سوار تین افراد موقع پر ہی دم توڑ گئے جبکہ تین افراد زخمی ہوئے جن میں سے دو افراد دوران علاج چل بسے، دیگر زخمیوں کو کراچی ٹرامہ سینٹر منتقل کردیا گیا۔