خاران: (ہمگام نیوز) خاران بسیمہ روڈ نزد کنری کراس پر قیمتی پتھر لے جانے والے سیندک استحصالی پروجیکٹ کے ٹرالروں کو نشانہ بنایا گیا ہے۔
ابتدائی اطلاعات کے مطابق حملے کے نتیجے میں ڈرائیور زخمی ہوگیا ہے جبکہ فائرنگ کے نتیجے میں ٹرالر کو نقصان پہنچا ہے۔
تفصیلات کے مطابق حملہ آج بروز جمعہ شام کے وقت خاران میں بسیمہ روڈ پر کنری کراس سے آگے پرانے لیویز چیک پوسٹ کے قریب ہوا ہے۔ حملے میں مسلح افراد نے قیمتی پتھر لے جانے والے سیندک استحصالی منصوبے کے ٹرالروں پر فائرنگ کیا جس کے نتیجے میں ٹرالر کا ڈرائیور زخمی ہوگیا ہے، جبکہ کلینر بھاگ گیا ہے۔
ذرائع کے مطابق حملے کے نتیجے میں ٹرالر کو نقصان پہنچا ہے۔
واضح رہے کہ مذکورہ روڈ نام نہاد سی پیک روٹ کا حصہ ہے جو سیندک، ریکوڈک و دیگر استحصالی منصوبوں کو خاران سے ہوکر بعد ازاں خضدار اور کراچی سے منسلک کرتا ہے۔
اس روٹ سے آئے دنوں متعدد ٹرالر لوٹے گئے قیمتی پتھر بلوچستان سے باہر منتقل کرتے ہیں۔
مذکورہ حملے کی ذمہ داری تاحال کسی تنظیم نے قبول نہیں کی ہے، البتہ واضح رہے کہ مقبوضہ بلوچستان میں اس طرح کی کاروائیاں آزادی پسند مسلح تنظیموں کی جانب سے قبول کی جاتی ہیں۔
