واشنگٹن (ہمگام نیوز ڈیسک) مانیٹرنگ نیوز ڈیسک رپورٹس کے مطابق امریکی صدر ڈونلڈ ٹرمپ نے حافظ سعید کا نام لیے بغیر ٹوئٹ میں کہا کہ ’10 سال کی تلاش کے بعد، بمبئی دہشت گرد حملوں کا نام نہاد ماسٹر مائنڈ پاکستان میں گرفتار ہوگیا‘۔انہوں نے اپنی ٹوئیٹ میں کہا کہ ’انہیں (حافظ سیعد) کو تلاش کرنے کے لیے گزشتہ دو برس کے دوران غیر معمولی دباؤ ڈالا گیا‘۔واضح رہے کہ انڈیا اور امریکا الزام لگاتے رہے ہیں کہ انڈیا میں 2008 میں ہونے والے بمبئی حملوں میں حافظ محمد سعید ماسٹر مائنڈ تھے۔
بعد ازاں امریکا نے حافظ محمد سعید کو عالمی دہشت گردوں کی فہرست میں شامل کرلیا تھا۔
خیال رہے کہ محکمہ انسداد دہشت گردی (CTD) حکام نے حافظ سعید کو دہشت گردی کی مالی معاونت کرنے کے الزام میں گرفتار کرکے جوڈیشل ریمانڈ پر جیل منتقل کردیا ہے۔
امریکا نے حافظ سعید کے سر کی قیمت ایک کروڑ ڈالر مختص کی ہوئی ہے۔بعد ازاں امریکی محکمہ خارجہ نے بیان جاری کیا کہ ’پاکستانی حکومت یقینی بنائے کہ حافظ سعید گرفتار ہوں۔’
حافظ سعید کی گرفتاری اور ڈونلڈ ٹرمپ کی ٹوئیٹ ایسے وقت پر سامنے آئی ہے جب پاکستانی وزیراعظم عمران خان 22 جولائی کو امریکی دورے پر روانہ ہو رہے ہیں۔ تجزیہ کاروں کے مطابق پاکستانی مقتدر اعلی کی جانب سے حافظ سعید کے گرفتاری کے بعد ٹرمپ کی ٹوئیٹ نے ان سب کے امیدوں پر پانی پھیرنے کے مترادف ثابت ہوا ۔
After a ten year search, the so-called “mastermind” of the Mumbai Terror attacks has been arrested in Pakistan. Great pressure has been exerted over the last two years to find him!
— Donald J. Trump (@realDonaldTrump) July 17, 2019
