دلی:(ھمگام نیوز) تفصیلات کےمطابق پنکج اداس ایک عرصے سے بیمار تھے ، طویل علالت کے بعد 72 سال کی عمر میں دلی ہسپتال میں اس دارفانی سے کوچ کر گئے،
ان کی موت کی تصدیق ان کے اہل خانہ نے کردی پنکج اداس کی بیٹی نایاب اداس نے اپنے سوشل میڈیا اکاونٹ انسٹاگرام پر والد کے انتقال کی خبر دیتے ہوئے لکھا کہ آپ کو یہ بتاتے ہوئے بہت دکھ ہو رہا ہے کہ پدم شری پنکج اداس جی کا طویل علالت کے بعد آج 26 فروری کو انتقال ہو گیا ہے۔ نایاب اُداس کی پوسٹ پر پنکج کے چاہنے والوں کی جانب سے تعزیت کی جا رہی ہے۔
پنکج اداس کی پیدائش گجرات کے جیٹ پور میں ہوئی تھی۔ گانا سیکھنے کے لیے انہوں نے راجکوٹ کے سنگیت ناٹیہ اکیڈمی میں شمولیت اختیار کی، جہاں انہوں نے طبلہ بجانے میں اپنی مہارت کا مظاہرہ کیا۔
