بلوچستان کپ کپ کَنگ بوتگ وڑ وڑیں چہ دری راجانی مکر ءُ پندلاں
بازیں تاگتانی دست ھور اَنت انگریز ءَ باز جُھد کُرتگ بلوچ ءَ وتی گلام بِہ کنت بلے بلوچ ءَ وتی گلامی نَہ منّ اِتگ گوں انگریز ءَ جنگ کُرتگ وتی سر جھل نہ کُرتگ۔
آ وھد ءَ بلوچستان یکے بیت بلوچ تپاک بنت انگریز ءَ جَن اَنت گوں تپاکی ءَ اے گپ نہ بیت تو رودرآتک من روبرکت سیمی من گوریچان من من نہ بیتگ ھوری بیتگ چہ بلوچے تپاکی ءَ رند ءَ انگریز پِگر کنت چوں بلوچ ءَ بھر بہ کناں۔
انگریز بے سوب بیت بلوچ ءِ دیم ءَ۔
بلوچ گوں بلوچی دود ربیدگاں بندوک بیت۔
میار جلّ بنت پہ وتی میاراں وتی سَر ایش ندر کُرتگ اَنت بلے وتی میار نہ داتگ دژمن ءِ دست ءَ میار جل بوتگ اَنت یک دومی یے جنجال ءَ ھور بوتگ اَنت دژمنان ءَ وتی سر ڑگار ءِ سر ءَ جَتگ ءُ تاچینتگ در کُرتگ۔
بلوچ ءِ نام نشان تاں دِھلی ءَ ھست اَنت بازیں دِگہ مُلکاں بلوچانی تاریک ھست اَنت دُنیایے ھما مُلک وت ءَ تاگت ور زان اَنت ھما ھم واکپ اَنت بلوچ ءَ ۔
بلوچ ءَ چہ بُنیاد ءَ تاگت وراں گوں جنگ کُرتگ گلامی نہ کُرتگ سر جَھلی نہ منّ اِتگ۔
چہ روبرکت ءَ جنگ کُرتگ شُتگ اَنت رودرآتک ءِ بلوچانی میار بوتگ اَنت ھمے پیم ءَ مرچی رودرآتک ءَ جنگ اِنت سنگت روبرکت ءِ بلوچانی میار بنت نا کہ روبرکتی دژمن ءِ میار انچُش گوریچاناں۔
بلوچستان ءِ جِتا کنگ ءَ ھمے تاگتانی دست مان اَنت یک برے بے سوب بوتگ اَنت بلوچانی دیم ءَ، دژمناں شپ روچ جیڑ اِتگ بلوچاں تاں بھر مہ کنیں بلوچ تاگت ءَ کم نیار اَنت گڑا انگریز ھندوستان ءُ ایران ءَ گوں وت ھم پگر کنت جُلّی ءَ کُمک کنت پہ روبرکتی بلوچستان ءِ دسگیر کنگ ءَ مھمد الی جناھ ءَ پہ رودرآتکی بلوچستان ءَ دیم دنت تاں مرچی بلوچ سرڈگارے بھر بانگی ءَ سر ماں سر اَنت۔
انگریز ایوک بیت بے سوب بیت ھندوستان ءُ ایران ایش سئیں ھوری ءَ گوں بلوچستان ءَ بھر کن اَنت کپے پاکستان گیپت کپے ایران۔
انگریز گوں ھندوستان ایران ءَ وت ءَ یک کنت بلوچستان ءِ کپ کنگ ءَ ۔
بلوچستان ءِ بھر کنگ ءَ تاں مرچی دژمناں بس نہ کُرتگ سیمسر ٹٹ کَلّ سیمھاردار دیوار بُمب اَنت۔
بھر بانگ کنگ بلوچستان ءِ یک مرھلہ ءِ دومی ھمیش اِنت بلوچستان ءِ مادناں کش بھا کن گوں چین ءَ سودا بہ جن من رودرآتک گوادر ءِ زر ءَ بُگش آں پاکستان ءَ سودا جَتگ چاگی ریکوڈک ءَ سُھر سِنگ گوں چین ءَ من بیا آں روبرکت ءَ چابھار انچُش چین ءِ دست ءَ سیمسر بند پہ بلوچان تَھ ءَ کاربار بند پہ بلوچاں۔
نوں ما بلوچ پگر بکنیں بلوچستان بھر بانگ کُرت گوں یک مُشتی ءَ تاگت وراں چوش پہ آسانی ارزانی بلوچستان بھر کُرت نہ کُرت انگریز ءَ ۔
انگریز گوں وتی پائدگے مُلکاں ھور تپاک بوت بلوچستان سئے کپ کُرت رودرآتک روبرکت گوریچان۔
چِدا چے ما سبک درونت بزیراں یک مُلکے یے دست ءَ نہ بوت بلوچستان ءَ چُنڈ چُنڈ بہ کنت بلوچستان ءِ سر ءَ واجھی بکنت وھدے کہ دژمن ھور بوت اَنت بلوچستان جِتا جِتا کُرت اِش۔
مرچی ما بلوچ کہ ھست اَنت آزادی ءِ جنگ ءَ کنیں بلے ما ھور نہ بیں یک دومی ءَ ایر جنیں یکے چہ دژمن ءَ میار کُمک لوٹ ایت یکے اسول رھبنداں پُروشیت بیزار کہ آ دگہ گلاں گوں وت ءَ ھور کنگ ءِ جُھد ءَ بکنت یکیں گلّ ءَ پُروشیت دو کنت۔
رسانکدر ءَ چاریں وانیں ھمے کہ وت ءَ گل پھم اَنت آجوئی یے جُھد ءَ کن اَنت تنکید برائے تعمیر ءَ ھچ اُپار نہ کن اَنت راستیں ھبر ءَ دروگ زان اَنت دروگ ءِ سر ءَ چاپ جن اَنت۔
تنکید برائے تعمیر انچیں بُن گپے ایش لازُم الّم بیت پہ پارٹی گلّے ءَ ۔
انچُش کہ بُرز ءَ من گپ ءَ اَت آں کہ بلوچستان ءِ بھر بانگی یے بابت ءَ ۔
جنگی رپک ءُ رھبند من ھم ونتگ یک وھد ءَ دو مَھاز میدان پِڑ پچ نہ کن اَنت راستے بلے ما شُما بچاریں رودرآتک ءِ دژمن اینکس نہ اِنت اینکس کہ روبرکت ءِ دژمن اِنت بلوچ چکچینی ءَ سرد جنگی یے تَھ ءَ ھر روچ بلوچ نوجواناں پاھو دَیگ ءَ اِنت۔
دژمن کہ یک اَنت ما شُما یک بِہ بیں تو ھچ پچ مہ کن پِڑ میدان جنگی آ تئی بلوچ ءَ جَنگ ءُ شھید کنگ ءَ اِنت اد ءَ تئی سوچ پگر ھچ مانا نَہ دنت بید چہ نُکس تاوان دَیگ ءَ بلوچے۔
تنکید وھدے بیت گڑا سنگت ھمے پسّہ جواب ءَ دینت ما جنگ کنگ ءَ ایں شما جنگ ءَ نہ اِت شما ھاموش بَئیت۔
ما گُشاں ایش جنگ یک پارٹی گلے یے نہ اِنت ایش جنگ بلوچ راجے ئیگ اِنت ھر بلوچ گپے سوجے رائے دیگ ئے ھک ءَ دار ایت۔
تو دلگوش کن بہ جیڑ پرچی سنگت ایش گپ ءَ کن اَنت گُڑا تو بہ جیڑ سنگت ھمیش گپ ءَ پرچہ کن اَنت ؟
سنگت گپ کن اَنت سنگتانی جواب ھمیش بیت ایش مئے ھکمت املی اَنت من چوشیں ھکمت املی نہ دیستگ او نہ اوشکُتگ دژمن ءِ کِرّا برو پناہ بہ لوٹ سودا بہ جن منی گونڈواں بوانیں شش ھزار ۔
اے چونیں گپے دژمن ترا وانین ایت ءُ چہ دژمن ءَ توکّ ءَ داشتگ چہ دژمن ءَ توکّ ءَ نہ بیت۔
زاتی واھشانی بُنیاد ءَ تو و سرجمیں راجے سودا ءَ مہ کن ترا ھک نیست بلوچ راجے راھشونی ءَ بہ کن ءُ ھچ باسکے ءَ ھک نیست تھنا راجی پیسلھاں تھنا بکنت وتی نَپانی واستا۔ روبرکتی بلوچستان ءِ دژمن ءَ چہ کُمک لوٹگ ءِ جار سکّیں بدیں کارے آ ھُش وش اَنت گل اَنت ایش جنگی ھکمت املی یے بلے روبرکتی بلوچ وش نہ اَنت چہ ایش جنگی ھکمت املی ءَ۔
وتی جندے ساھے رکینگ ءَ ایران ءِ پناہ ءَ مئے سنگت چہ دست ءَ شُتگ اَنت ھما کمانڈر کہ رودرآتکی دژمن سالانی سال شھید کُرت نہ کُرتگ اَنت ردیں رھبنداں شہ سنگت شھید بوتگ اَنت۔
من پگر کُت سبز کوہ ءُ شمسرے دژمن ءِ کار ءَ تو سبک یاد گپت بلے نا ۔
ایش گپ ءَ تچک کنگ لوٹ آں شھیدانی ھونانی دوستی ءَ بیا واتر کن کماش نواب ھیربھش مری ءِ شھید سبا دشتیاری یے پگر ءَ شھید گلام مھمدے ھمراہ بُو۔
جُلی نا ترا کُمک کنت نا ترا پناہ دنت اے تئی آزات ھیالی اِنت دژمن ءِ چال اِنت ترا گمراہ بہ کنت بلوچ تپاک مہ بنت اے کُجام ھکمت املی اِنت تئی ترا تپاکی ءَ نئیلیت بہ جیڑ پگر کن وھد ھست زوت کن ۔
ھمے کہ تو روبرکتی دژمن ءَ دوست زان ئے دوست مَہ زان دژمن ءَ کُمکے لوٹ ءَ ئے یل کن۔
بیا تپاکی ھوری یے گپ ءَ بہ کن ھور بُو کبراناں کلمپوک مان نیست منی تئی سرپ ءِ سنگتاں وتی جان داتگ تو ھم مہ تُرس چہ وتی ساہ ءَ تئی ھون رودرآتک ءَ رچ ایت یا کہ روبرکت ءَ یا کہ گوریچان مانا یک پرک نہ کنت بلوچستان اِنت۔
دژمنانی بھر بانگی ءَ نَباید من ءُ تو انکلابی آشوبی سنگت گیش مُھکم تِر بکناں ۔
من کہ گرد آں پاد کایاں مارشت کناں گِندگ ءَ آں پاکستان ءِ کُمک کنوک سرپدی دائوک ایران اِنت انچو چین گوادر ءَ کار کنگ ءَ اِنت پاکستان ءَ تیر تُپنگ دنت بلوچانی شھید کنگ ءَ انچو من چابھار گندگ ءَ اوں ایران ھم چابھار ءَ چین ءَ را داتگ کار ءُ بارکَنگ ءَ اِنت چہ پاکستان ءَ ایران بلوچے مستریں دژمن اِنت۔
مرچی درست بلوچ گِندگ ءَ اَنت جوانی ءَ سر ءَ پھمگ ءَ اَنت چہ رودرآتک بِگر روبرکت ءَ برو تاں گوریچان ءَ بلوچ وتی جند ءِ گُلزمین ءِ سر ءَ اشکیل اَنت انیگیں نوکیں جاوراں ھمے کَش اِتگیں لکیرانی سر ءَ دریں راجانی لشکرانی تاگت بلوچ ئے سر ءَ ھست اَنت ھمے جاہ ءَ روبرکتی دژمن کوھک سیمسر کہ لگ ایت گوں پنجگور ایش جاہ ٹٹ کُرتگ یک دومی سیاد ءُ وارس ھال پُرسی ءَ گِند ءُ گدار ءَ زبھر کُرتگ اَنت ھمے پیم پروم شمسر مند پیشن ماشکیل جالک تپتان میرجاوه گوادر چابھار زابُل نیمروز ۔
جاھے دیوار جاھے بُمب۔
بلوچ انچو گلام کُرتگ پہ لُنکھے نان ءَ تیر بات کنگ بیت یا کہ کسانیں جیڑھے ءِ آ پاھو دَیگ بیت۔
ما شُما جُھد بکنیں چوشیں ھکمت املی جوڑ مہ کنیں کہ دژمن ءِ ھکّ ءَ بِرو انت۔
اُمیت کناں دژمن ءِ پندل سر ءَ آجوئی دوست گل پارٹی نہ رَونت وتی دوست ءُ دژمن ءَ پجا کار اَنت۔
بلوچستان ءِ آجو کنگ ءَ مارا یک مُشتی درکار اِنت چوشیں کارے بکن کہ گوں تو درست بلوچ ھوار بباں۔
دِگہ چوشیں کارے مہ بیت تئی جندے بلوچ تئی دژمن بِبنت۔
پہ زانوک ءَ یک اشارھے بس اِنت۔
آجو بات بلوچستان
