دمشق(ہمگام نیوز)مانیٹرنگ نیوز ڈیسک رپورٹ کے مطابق اسرائیل نے شام کی بندر گاہ لطاکیہ پر میزائل فائر کر دیا ، میزئال کے باعث کسی جانی نقصان کی اطلاع نہیں ملی ۔
غیر ملکی خبر ایجنسی کے مطابق میزائل حملے کے باعث بندرگاہ پر موجود کنٹینرز میں آگ لگ گئی ۔ شام کے سرکاری میڈیا کے مطابق کئی میزائل بندرگاہ کے کنٹینر ایریا پر گرے جس سے آگ لگی اور بڑے پیمانے پر مالی نقصان ہوا ، میزائل بحیرہ روم کی سمت سے آئے تھے ۔
شام کے سرکاری میڈیا کا کہنا ہے کہ حملے میں تاحال کسی جانی نقصان کی اطلاع نہیں ملی ۔
