کوئٹہ (ہمگام نیوز) بلوچ ڈاکٹرز فورم کے ترجمان نے بولان میڈیکل کالج میں طلبا کی طرف سے لگائے جانے والے تادم مرگ بھوک ہڑتالی کیمپ پر اپنے بیان میں کہا کہ طلباء کے جائز مطالبات جلد از جلد حل کئے جائیں. حالیہ فائنل کے رزلٹ میں ایک ڈپارٹمنٹ کی جانب سترہ طلباء کا سال ضائع کرنا باعث تشویش ہے. اور آج طلباء اس حد تک مجبور ہوئے ہیں کہ اپنے جان کو داو پر لگا ریے ھیے اور سراپا احتجاج ہیں.
ترجمان نے کہا کہ طلباء کےاس سخت ترین اقدام سے بی ڈی ایف کو ان کے جسمانی اور زہنی تکلیف سے شدید تشویش لاحق ھے۔ کیونکہ کسی بھی طلباء کا نقصان قومی نقصان ہوگا اور ہم طلباء کی ساتھ اس مشکل گھڑی میں ان کے ساتھ کھڑے ہیں اور ہماری حتی الوسع کوشش ہوگی کہ مسئلے کو جلد از جلد حل کرائیں.
ترجمان نے کہا کہ یونیورسٹی انتظامیہ کو چاہیے کہ امتحانات منعقد کرانے کا نیا طریقہ کار مرتب کرے کیونکہ اس طریقے سے طلباء پروفیسروں کی ضد کی بھینٹ چڑھ رہے ہیں اور یہ طلباء کی جانب سے دوسرا اور سخت ترین احتجاج ہے. متعلقہ اداروں کو چاہیے کہ سنجیدگی سے اس مسئلے کا حل نکالیں تاکہ مستقبل میں اس طرح کے ناجائز چیزیں نہ ہو.
طلباء کے جائز مطالبات حل کئے جائیں اگر تادم مرگ بھوک ہڑتالی میں کسی بھی طلباء کو کچھ نقصان ہوا ہوا تو یہ قومی نقصان ہوگا. بلوچ ڈاکٹرز فورم
