غزہ میں اسرئیلی جنگ : 43374 فلسطینی قتل کیے جا چکے

غزہ (ہمگام نیوز) اسرائیلی فوج نے غزہ جنگ میں اب تک 43374 فلسطینیوں کو قتل کیا ہے۔ اس امر کا اظہار غزہ کی فلسطینی وزارت صحت نے پیر کے روز جاری کردہ تازہ ترین اعدادو شمار میں کیا ہے۔ اسرائیل کی غزہ جنگ کے اب اگلے دو روز میں 13 ماہ مکمل ہونے والے ہیں۔   وزارت صحت کے جاری کردہ اعدادوشمار کے مطابق پچھلے 24 گھنٹوں کے دوران 33 فلسطینیوں کو اسرائیلی فوج نے صرف غزہ میں قتل کیا ہے۔   علاوہ ازیں اب تک جاری اس جنگ نے 102261 فلسطینیوں کو زخمی کر دیا ہے۔ خیال رہے یہ جنگ سات اکتوبر سے جاری ہے۔ اسرائیل کی پچھلے 75 سال میں یہ طویل ترین جنگ ہے۔