قلات (ہمگام نیوز) مقبوضہ بلوچستان کے علاقے قلات میں نامعلوم مسلح افراد کے حملے میں تین افراد ہلاک ہوئے ہیں۔ تینوں مقتولین کا تعلق پنجاب سے بتایا جارہا ہے۔
تفصیلات کے مطابق فائرنگ کا واقعہ منگچر کے علاقے خراسانی میں گذشتہ رات پیش آیا جہاں مسلح افراد نے علاقے میں ٹیوب ویل مشینری پر کام کرنے والے افراد پر حملہ کیا، ہلاک ہونے والے افراد کا تعلق پنجاب کے علاقے رحیم یار خان سے بتایا جاتا ہے۔
لیویز حکام کے مطابق فائرنگ کا واقعہ رات دو بجے کے قریب پیش آیا۔ واقعے کے بعد حملہ آور فرار ہونے میں کامیاب ہوگئے جبکہ فورسز نے علاقے کو گھیرے میں لیکر ملزمان کی تلاش کا آغاز کردیا ہے۔
