کوئٹہ (ہمگام نیوز ) مستونگ میں سی ٹی ڈی کی گاڑی کے قریب دھماکے سے تین اہلکار زخمی ہو گئے ہیں۔
تفصیلات کے مطابق گزشتہ شب کوئٹہ کے علاقے مستونگ میں دھماکا ہوا ہے جس کے نتیجے میں 3 افراد زخمی ہوئے ہیں جنہیں طبی امداد کے لئے اسپتال منتقل کیا گیا جب کہ دھماکے کے بعد فورسز نے علاقے کو گھیرے میں لے لیا۔
پولیس کے مطابق دھماکا ریموٹ کنٹرول تھا جوکہ شیخ واصل کے مقام پر کاؤنٹر ٹیررازم ڈیپارٹمنٹ (سی ٹی ڈی) کے قافلے کے قریب ہوا، قافلہ نوشکی جارہا تھا جب کہ دھماکے کے نتیجے میں 2 گاڑیوں کو نقصان پہنچا۔
