واش(ہمگام نیوز ) اطلاعات کے مطابق بروز اتوار کو فجر کے وقت ایک بلوچ قیدی کو واش(خاش کی سینٹرل جیل میں پھانسی دی گئی۔ تفصیلات کے مطابق گزشتہ روز اتوار کو ایرانی مقبوضہ بلوچستان کے شہر واش کی سینٹرل جیل میں ایک بلوچ قیدی میلاد گلوی ساکن زابل کو پھانسی دے دی گئی۔
رپورٹ کے مطابق جون 2020 میں میلاد کو خاش میں اپنے تین رشتہ داروں کے قتل کے الزام میں گرفتار کیا گیا اور فوجداری عدالت میں سزا سنائی گئی۔
واضح رہے کہ 2023 سے لیکر اب تک میں ایران کے 26 مختلف شہروں میں 184 بلوچ قیدیوں کو مختلف الزامات کے تحت پھانسی دی گئی تھی، جن میں زاہدان جیل میں 54 اور بیرجند جیل میں 31 مقدمات کے ساتھ غیر انسانی سزائے موت دی گئی تھی، اور ان قیدیوں میں سے چار خواتین بھی شامل ہیں۔
