——————————
مَن ھَیران اون کِہ وَتی گَپاں چون ءُ چَہ کُجا بُنگیج بِہ کَن آں! مَنی ھَیرانی ءِ مَستِریں سَوَب اِش اِنت کِہ ساری ءَ بَلوٗچاں چَہ ماشِیں دَران ءُ بُرزکوٗہ تاں ھِند ءُ سِند ءَ ھاکُمی کُرتَگ ءُ بوٗر تاتکَگ!. مَروٗچی ھَما بَلوٗچ ءِ سَرزُمین گَزَل گَزَل اِنت ءُ وَت چوٗ دَلوَتانی داب ءَ کَلّ ءُ پَلّے ءِ توٗک ءَ بَندیگ اِنت!.
بَلوٗچے کِہ جِھاں گیری کُرتَگ ءُ چَہ آئی مَزاری بیم ءَ جِھان جَکس اِتَگ!. مَروٗچی ھَما شیر بیمیں بَلوٗچ ءَ چَہ توٗلَگ ءُ روٗباھان ترُسّ اِیت!.
بَلوٗچے کِہ چَہ آئی وان ءَ جِھان ءَ نان وارتَگ ءُ پَہ ناندَھی ءَ نامدار بوُتَگ!.ومَروٗچی ھَما بَلوٗچ پَہ لُنکَھے نان ءَ تَلک جَنت!.
بَلوٗچے کِہ زِند ءِ تَوامیں کارئِے پَہ براتی ءُ ھَشَر ءُ کُمَک شَرّ بوُتَگ اَنت ءُ مُدام ھَمپَتّ ءُ ھَمسَنَّت بوُتَگ!. مَروٗچی ھَما بَلوٗچ ھَنچُش ناتُپاک کَنَگ بوُتَگ کِہ برات ءِ گوں برات ءَ دروٗت ءُ دروَھبات بَند اِنت!.
بَلوٗچے کِہ پَہ کَول ءُ کَرار ءَ چوٗ جاڈوٗ جَلَب ءَ وَتی تِلاھیں بَچّ ءِ گَردِن ئِے جَتَگ ءُ کَبز ءِ بَدَل ئِـے لَبز بوُتَگ!. مَروٗچی ھَما بَلوٗچ پَہ بَڈّائی دِگِرانی مال ءِ وَرَگ ءِ ھاتِر ءَ سی جُز کُرآن چوٗ سَندوٗیچ ءَ وارت!.
بَلوٗچے کِہ پَہ اَمانَتداری ءَ ماں جِھان ءَ بـے دَروَر بوُتَگ!. اَمانَتداری ءَ بُن دئے ھَما بَلوٗچ مَرچی دُزّی کَنت!.
دینداری ءُ ایمانداری ءِ پِڈ ءَ بَلوٗچ ھَما راج بوُتَگ کِہ مَسیت ءَ نُماز ءِ وَھد ءَ اَگاں شَلوارئِـے پَلیت بوُتَگ!. وَتی شَلوارئِـے کَشّ اِتَگ ءُ مَسیت ءِ سروُکے ءَ نِشتَگ ءُ نیکمَرد ءِ پُشت ءَ ھوٗر گوں نُمازیان وَتی نُماز ئِـے وَنتَگ بَلےَ نُمازئِـے کَزا نَہ کُرتَگ!. مَروٗچی ھَما بَلوٗچ چوٗ دَلوَت ءَ اِنت ءُ نَہ زانت کِہ کِبلَہ کُجانگُر اِنت!.
بَلوٗچے کِہ پَہ مَیارجَلّی ءِ ھاتِر ءَ سی سال وَت ماں وَت جَنگ بوُت ءُ ۹۰ ھزار جَنگی سِلاھبَندیں وَرنائِـے پَہ کوٗش دات!. مَروٗچی ھَما مَیار جَلّیں بَلوٗچ وَتی مَیار ءَ پَہ زَرّ بَھا کَنت ءُ پَہ کوٗش دَنت!.
بَلوٗچے کِہ پَہ بَلوٗچِستان ءِ ھاتِر ءَ پَرَنگ ءُ پُرتَگال ءُ مُگُل ءُ تاتار ءُ گاجار ءِ دیم ءَ آسِنیں پَلّے بوُتَگ!. مَروٗچی بَلوٗچِستان وَتی جاگَہ ءَ ھَما بَلوٗچ وَتی مات ءُ گُھارانی پاسپانی ءُ لَجّپَھازی ءَ کُرت نَہ کَنت!.
بَلوٗچے کِہ تاں دوٗسَـد سال ءَ وَتی بیر ئِـے پَہ گاری ءَ نَیشتَگ!. مَرچی ھَما بَلوٗچ گوں وَتی ھوٗنی ءُ کُشوٗکاں ھَمزان ءُ ھَمراہ اِنت!.
بَلوٗچے کِہ مُدام ھَکّ ءِ پاسپان ءُ ھَکّ گوَشوٗکانی ھَمراہ بوُتَگ!. مَروٗچی ھَما بَلوٗچ ءِ ھَکّانی دیمپان ءُ ھَکّ گوَشوٗکیں مَردُم کُشَگ ءُ بَندیگ ءُ دَرانڈیھ کَنَگ بَنت، بَلـےَ مَروٗچی ھَما بَلوٗچ اِے درُھین زیاتیان گِند اِیت ءُ ھِچّ نَہ گوَش اِیت!.
بیگانَگاں بَلوٗچانی ھَمپَتّی ءُ ھَمسَنَّتی زِتَگ ءُ بَلوٗچ اِش ناتُپاک ءُ دان دان کُرتَگ!. ھَنچُش کِہ شُما زان اِت ءُ پیشی مَردُماں گوَشتَگ: یَکّ دَستـے چاپِ نَہ جَنت ءُ یَک مَردُمـے ءِ پَتَّر ءَ گوات بارت! زالِمانی زُلم سَکّ باز ءُ مَـےَ نِزوری چَہ ھَدّ ءَ گیش اَنت، بَلـےَ مَن چَہ ھَمد ءَ وَتی گَپ ءَ بَدَل کَن آن ءُ اِے جُست ءَ دیم ءَ کار آں:
کِہ پَرچا جِھان ءِ آدِگے راج چَہ گُلامی ءَ آجوٗ ءُ چَہ گُژنَگی ءَ سیر ءُ چَہ شِرّی ءَ شَرّ ءُ چَہ ناتُپاکی ءَ تُپاک ءُ چَہ نابِزانتی ءَ زانتکار بوُتَگ اَت، بَلےَ ما بَلوٗچ اِے درُھیں پِڈاں پُشت ءَ پَشتَ کَپتَگ ءُ گُلامیں زِندے گوازینَگ ءَ اِیں؟! پَرچا؟ ءُ ھزارانی ھَزار پَرچا؟ اِے پَرچا ءِ جَواب سَکّ باز اَنت ءُ اِے تران ءِ تَھ ءَ آرَگ نَہ بَنت، بَلـےَ مَن مَرچی بَلوٗچ راج ءِ دیم ءَ لَھتے چَہ ھَما سَوَباں بَیان کَن آن ءُ آ چُش اَنت:-
اولی ءُ مَستِریں سَوَب اِش اِنت کِہ بَلوٗچ راج ءِ لَھتے نیکمَرداں دین پَہ دینار ءُ پاکگِس پَہ دَربار ءَ بَدَل کُرتَگ اَنت، پاکی ءُ تَچکی، ھَکّ ءُ ھَکّ گوَشی اِش اِشتَگ اَنت ءُ رِپک ءُ ھُنَر ءِ راہ اِش گِپتَگ! شِرک ءُ بِدعَت ءُ کَبر پَرَستی کِہ اللہ ءُ اللہ ءِ رَسوُل ءَ ھَرام ءُ ھَراب گَوَشتَگ ءُ زانتَگ اَنت، مَروٗچا لَھتے چَہ اللہ ءِ راہ داتَگیں رَسوُلانی وارِس ءُ نیکمَرداں مُشرِک ءُ کَبر پَرَست ءُ ناپاک ءُ زالِمانی مَنّوٗگِر بوُتَگ اَنت. اَگاں اِیوَک ءَ وَت چُش بِہ بوُتین اَنت پَرواہ نَہ اَت، بَلےَ بَژن اِش اِنت کِہ آیاں سَرجَمیں بَلوٗچ راج ھَم پَرماتَگ کِہ مُشرِک ءُ مُردَگ پَرَستیں بیگانَگانی مَنّوٗک بِہ بیت:وَ شَموٗشکار اَنت کِہ اللہ ءِ رَسوُل ءَ پَہ “بِدعت” ءِ بارَہ ءَ چے گوَشتَگ!
رَسوُل ءَ گوَشتَگ:-
﴿وَشَرُّ الْأُمُورِ مُحْدَثَاتُهَا وَكُلُّ مُحْدَثَةٍ بِدْعَةٌ وَكُلُّ بِدْعَةٍ ضَلَالَةٌ وَكُلُّ ضَلَالَةٍ فِي النَّارِ ﴾.
بَلےَ اَنگت بَلوٗچ راج ءِ لَھتے دَرباری نیکمَرد راج ءَ گوَش اَنت کِہ شُما ھَمے مُشرِک ءُ “بدعتی” ءُ کَبر پَرَستیں دَرامَدانی ھاکِمیَت ءَ بِہ مَنّ اِت ءُ آیانی ھونواریں نِزام ءَ مُکَدَّس بِہ زان اِت!.
دوٗمی مَستِریں مُشکِل اِش اِنت کِہ سَرداراں ھَم وَتی پِت ءُ پیرُکانی ھَزارانی ھَزار سال ءِ ھاکِمیَت ءُ شانداریں کَلات ءُ ماڈی ءُ سَرداری اَنگار کُرتَگ اَنت ءُ بیگانَگانی پاکاری اِش زُرتَگ وَ چَہ اِے واجَھانی نابِزانتی ءُ نابوٗدی ءِ سَوَب ءَ بَلوٗچانی یازدَہ ھَزار سال ءِ دَرگَت گوں ھاکاں سَر ءُ چیر ءُ آیانی پِت ءُ پیرُکانی کَلات ءُ ماڈی لُمب اِتَگ ءُ چَہ مُشک ءُ پِشُّک ءَ پُرّ اَنت!.
سَیمی مَزَنیں مُشکِل اِش اِنت کِہ دُژمِن ءُ بیگانَگیں گَجَراں پَہ وَتی مَسلِھَت ءُ اُمر ءِ دراج کَنَگ ءِ هاتِر ءَ راجگِسے جوٗڈ کُرتَگ وَ مَروٗچا پَہ راج ءِ ھَکّانی گِرَگ ءِ ھاتِر ءَ راج ءَ پَرما اِیت کِہ پَہ وَتی ھَکّانی دیمپانی ءَ جِھگیر گِچیں بِہ کَنت ءُ راجگِس ءَ راہ بِہ دَیت، وَ راج ھَمے کار ءَ کَنَگ ءَ اِنت ءُ ھَمُک گِچینکاری ءِ وَھد ءَ جَھگیر گِچین کَنت ءُ راجگِس ءَ راہ دَنت، بَلـےَ جَھگیر راجگِس ءَ کِہ سَر بَنت گُڈا اوٗد ءَ راج ءُ راج ءِ ھَکّان شَموٗش اَنت ءُ بیگانَگیں گَجَر ءُ دُژمِنانی نَوکَر ءُ گُلام بَنت وَ اِشی سَوَب اِش اِنت کِہ گِچیں بوُتَگیں مَردُماں بیگانَگیں گَجَر ساری ءَ وَت گِچین کَن اَنت ءُ چار اَنت ءُ ھَما بَلوٗچ ءَ پَہ جَھگیری ءِ اوٗشتَگ ءَ اِجازَت دیئَگ بیت کِہ ھَمایانی وَتی ھاسیں مَنّوٗک ءُ گُلامے بِہ بیت وَ چُشیں بَلوٗچاں کِہ بَلوٗچِستان ءُ بَلوٗچ راج ءِ گَموار بِہ بَنت بیگانَگیں گَجَر ھِچبَر آیاں اِجازَت نَہ دَنت کِہ جَھگیر ءُ بَلوچانی ھَکّانی دیمپان بِہ بَنت!.
دِگے ھَم باز رَدی ءُ نِزوٗری ھَست ءُ بوُتَگ بَلےَ مَستِریں سَوَب ھَمے واجَہ ءُ ھَمے واجَھانی رَدیں کِردار اَنت کِہ مَروٗچی بَلوٗچ بیگانَگانی گُلام اَنت! بیگانَگاں بَلوٗچِستان گَزَل گَزَل ءُ کَلّ ءُ پَلّ کُرت ءُ بَلوٗچانی سَرجَمیں راہ ءُ رَسِنگ اِش بَست اَنت وَ پَہ اِے کار ءَ راجدوٗست ءُ سَرپَدیں بَلوٗچ نَہ مَنّوٗک اَت اَنت، بَلےَ ھَمے واجَہ بیگانَگاں پَرمات اَنت کِہ شُما گوں بَلوٗچ راج ءَ بِہ گوَش اِت کِہ ما پَہ ھَمایانی پائِدَگ ءُ گِھتِری ءِ واستا کار ءَ اِیں، پَہ ھَمے واجَھانی رَزا ءُ ھَمراھی ءَ اِے کَلّ ماں بَلوٗچِستان ءِ دِلبَند ءِ سَر ءَ کوٗچَگ ءُ اِے پَلّ بَندَگ بوُت ءُ پائِدَگےکِہ پَہ بَلوٗچاں رَس اِت آ مَرچیگیں تَنگی ءُ واری ءُ شُد ءُ ناچاری اِنت!.
وَ چَہ ھَمے واجَھانی بوُد ءُ بَرکَت ءَ تاں اِے کَلّ ءُ پَلّ سَرجَم نَہ اَت اَنت پَھکدِلیں بَلوٗچان اِش ھَر ءِ دُمب دَست ءَ دات کِہ بِلّے دِلگوٗش بَنت، چُنت وَھد ءَ ءُ ساری لوٗگ لوٗگ ءِ دَپ ءَ ھَزار ھَر ءَ گیش گِندَگ بوُت! کَلّ ءُ پَلّ اِش کِہ ھِلاس کُرت ءُ راہ بَند بوُت اَنت، ھَر ءُ ھَرانی واھُند شُد ءِ آماچ بوُت اَنت ءُ لَھتے ھَر چَہ شُد ءَ وَت مُرت ءُ لَھتے بیگانَگیں گَجَراں پَہ تیر جَت ءُ کُشت!.
بَلوٗچ راج مُدام اِیمِن ءُ آرام بوُتَگ بَلےَ وَھدے کِہ بـے سَریں سَرکَماش گوں بیگانَگاں ھوٗر بوُت اَنت گُڈا راج ءِ وَتواجَھی ءُ اَمن ءُ اَمان چَہ دَست ءَ شُت اَنت ءُ بیگانَگاں راج ءِ تِلاھیں بَچّ چَرسی ءُ بَنگی کُرت اَنت تاں کِہ دوٗست ءُ دُژمِن ءُ شَرّ ءُ گَندَگ مَہ زان اَنت!.
بَلوٗچ کِہ ساری ءَ چوٗ ھَنار ءَ ھَزار دانَگ ءُ یَک پوٗش اَت، چَہ ھَمے بیگانَگ پَسُندیں واجَھانی بے سُدّ ءُ بـے سَمائی ءِ سَوَب ءَ بیگانَگ سوٗبیں بوُت ءُ برات اِش گوں برات ءَ میڈینت ءُ دُژمِن کُرت اَنت، بَلـےَ اَنگَت اِے نیکمَرد ءُ بـے سَریں سَردار ءُ کاسَگ چَٹّیں جَھگیر وَت ءَ بـے مَیار زان اَنت ءُ تاں مَرچیگیں روٗچ ءَ اَگاں زانتکار ءُ گَیرَتمَندیں وَرناے ھَکّ ءِ بارَہ ءَ چِست بیت، گُڈا ھَمے بیگانَگانی داشتَگیں ڈَلُّک اَنت کِہ سَرپَدیں بَچّانی دیم ءَ آسِنیں پَلّ بَنت ءُ گوَش اَنت کِہ مُلک ءُ دَمَگ ءِ آرامِش ءَ ھَراب مَہ کَن اِت!.
کِرمان ءُ پَھرَج ءُ ماھان ءُ گَمشَھر ءُ روٗدبار ءِ دَمَگ بیگانَگاں چَہ بَلوٗچستان ءَ سِست اَنت، جیتَل ءُ جَبّانیں سَرکَماش ھاموٗش بوُت ءُ راج اِش ھَم نَیشت کِہ کارے بِہ کَنت، گَمبَران ءِ بَندِن ءُ میناب ءُ لِنگَھ ءُ ھوٗرمُزّ اِش چَہ بَلوٗچِستان ءَ جِدا کُرت ءُ بُرت، راج ءِ بـے سَریں سَرکَماش بـے سُدّی ءِ آماچ اَت اَنت!.
نوُں گُلائیش اَنت کِہ کُنَرَک ءُ چَھبار ءُ مَنتَگیں زِر کَنِک ءَ پَچ بِہ گِر اَنت ءُ کَرار اِنت کِہ دَہ مِلیوُن بیگانَگ بیار اَنت کِہ اَگاں دَہ مِلیوُن بیگانَگ ماں زِربار ءَ آرَگ بِہ بیت، بَلوٗچ ماں بیگانَگانی دَست ءُ پادانی چیر ءَ بار گِر اَنت ءُ چَہ بَلوٗچیَت ءَ ھِچ چیزّے پَشت نَہ کَپ اِیت، بَلـےَ راج ءِ پیشواہ ءُ سَرکَماش اَنگَت بَلوٗچانی دَپ ءِ لَگام اَنت کِہ ھِچ مَہ گوَش اِت!.
بَلوٗچ پَہ لُنکَھے نان ءِ شوٗھاز ءَ تیرانی آماچ اِنت ءُ ھَمُک روٗچ یَک وَرناے تیر وارت ءُ چَپّ کَنت ءُ سُچ اِیت ءُ آس ءِ توٗک ءَ کِلِڈ بیت؛ بَلـےَ بیگانَگانی داشتَگیں مَکّار گوَش اَنت کِہ آرامِش ءَ دَرھَم بَرھَم مَہ جَن اِت!. اِے چُنت رَند اِنت کِہ بَلوٗچ ءِ مات ءُ گُھارانی گَیرَت ءِ سَر ءَ دَست دراجی بیت؛ بَلےَ نیکراہ ءِ لَجّپَھازیں نیکمَرد گوَش اَنت کِہ شُما ھِچّ مَہ گوَش اِت!. ھِچ روٗچے نیست کِہ یَک زالـے جَنوٗزام ءُ چار چُکّ چوٗرَہ ءُ چُنت گُھار بـے برات ءُ یَک ماتـے بے بَچّ ءُ یَک گَمجَتیں پِتـے ءِ جَگَر موٗچ مَہ بَنت، بَلےَ نیکراہ ءُ راج ءِ گَمواریں سَرکَماش اَنگَت پَہ وَتی مَسلِھَت ءِ ھاتِر ءَ مَردُماں پَہ جُنزَگ ءَ نَیل اَنت!.
آدینَگ ءِ روٗچ ءَ رَند چَہ نُماز ءَ بَلوٗچاں ماں دُزّآپ ءَ گوَشت کِہ مُتَجاوِزیں سَرھَنگ کوُچِک زئی گِرَگ ءُ مُجازات کَنگ بِہ بیت، پَرچا کِہ اِے بـے مات ءُ گُھار ءَ ماں لَگَتمالیں چَهبار ءَ گوں یَک ۱۵ سالَگیں تِپلے ءَ پَہ زوٗر بَدکاری کُرتَگ و بائِد اَت کِہ سیگہ زاتَگیں سَرھَنگ کوُچک زئی گِرَگ ءُ دار ءَ کَشَّگ بِہ بوُتی، بَلےَ پَہ ھَمے ھَبَر ءِ سَر ءَ بیگانَگ ءُ مُردَگ پَرَستیں گَجَراں گیش چَہ ۲۵۰ مَردُم ءَ پَہ تیر جَت ءُ شَھمیر ءُ زَدَگ کُرت، اَنگَت اللہ ءِ راہ داتَگیں رَسوُلانی وارِسیں نیکمَرد مَردُمانی دَپ ءِ لَگام اِنت کِہ ھِچّ مَہ گوَش اِت کِہ مُلک ءُ دَمَگ ھَراب ءُ نا اَمن بَنت!.
وَ مُشرِک ءُ مُردَگ پَرستیں نِزام ءِ ھونواریں سَرکَماش ءُ بَلوٗچانی نیکراہ ءِ نیکمَرد ءُ جَھگیر ءُ سَردارانی اِمام ءُ رَھبَر واجَہ خامِنَہ اِی وَت ءُ وَتی نِزام ءَ بـے گُناہ کَرار دَنت ءُ گوَش اِیت کِہ:
“مَردُم کُرد و بلوچ آدم ھای مِھربانی ھستند ولی این کار کار اِسرائیل و امریکا است و اونھا ھستند کہ اینھا را تحریک میکنند!.”
وَ واجَہ خامنہ ای ءِ داشتَگیں نیکمَرد ءُ مَنّوٗگِریں سَردار ءُ گِچیں کُرتَگیں جَھگیر ھَم ھَنچوٗ وَتی اَرباب ءُ رَھبَر ءِ داب ءَ کایَنت ءُ گوَش اَنت کِہ کارانی ھَراب کَنوٗک اَمریکا ءُ اِسرائیل اَنت!.
من از این آقایون سوال میکنم کِہ:-
آیا حق مردم کُرد و بلوچ را امریکائی ھا و اِسرائیلی ھا ازشون گرفتہ اند یا شما و نظام فاسدتون؟!.
آیا کُرد و بلوچی کہ ھر روز بیرحمانہ از دست گلولہ مامورین شما کشتہ میشوند این مامورین شما از امریکا و اسرائیل دستور میگیرند یا از شما؟!.
آیا مُتجاوزان بر جان و ناموس کُرد و بلوچھا اَمریکائی و اسرائیلی ھستند؟!.
آیا سَرھَنگ کوچک زئی صیغہ زادہ, ھَم امریکائی یا اسرائیلی ھستش؟!.
آیا کُردستان و بلوچستان و أحواز کِہ غنیترین سرزمین جھان ھستند اینھا را امریکا و اسرائیل عقب ماندہ و بیچارہ کردہ یا نظام شما و بدستور مستقیم خود حضرتعالی؟!.
پَس اگر این ھمہ اعمال و افعال و صاحبانشان امریکا و اسرائیل ھستند، آیا میشود بگوئید کہ خود شما آقای خامنہ ای کُجائی ھستید وچطور ولی امر مسلمین شدہ اید؟! و اگر از آل رسول و ھاشمی ھستید پس در ایران چکار میکنید و از مَردم ایران و از ملت ھای کُرد و بلوچ و عرب چی میخواھید؟!.
آیا در اِسلام میشود کہ یک قبر پرست و بدعتی ولی امر مسلمین جھان بشود؟!.
نَنگ بر تو دیکتاتور زمان
قاتل انسـانیت و اِنسـان.
این سوال را از علمای اھل سُنَّت و جماعت میپرسم و آن این است کہ:-
آیا میشود و در اسلام جایز ھست کہ یک عالم دینی از مذھب سُنَّت و جماعت، یک قبر پرست و بدعتی را رھبر خود بداند و از آن مُشرِک و مُردہ پرست پیروی بکند؟! و درضمن او را ولی امر مسلمین و یا نظامش را نظام مقدس خطاب و بہ مردم را نیز بگوید کہ از آن قبر پرست و نظامش پیروی بکنند؟!.
پَد ءَ واتَرّ بان ءُ چَہ وَتی نیکراہ ءِ رَھشون ءُ مُردَگ پَرَستیں خامنہ ای ءِ مَنّوک ءَ جُست کَن آں کِہ:-
مَنی واجَہ ءُ نیکراہ ءِ نیکمَرد!
شُما کُجام ایمنی ءُ آرامِش ءِ گَپ ءَ جَنَگ ءَ اِت؟! وَ آ آرامِش ءُ اِیمِنی ءَ پَہ کَـےَ لوٗٹَگ ءَ اِت ءُ اِینچُک پریشان اِت!؟ آیا شُما پَہ ھَمے دوٗ سَـد ءُ پَنجاہ بـے گُناھیں بَلوٗچانی شَھمیری ءَ پَدَردّ اِت کِہ شُمَـے مُکَدَّسیں نِزام ءِ تیرانی آماچ بوُت اَنت؟! اَگاں نَہ پَہ وَتی اِمام خُمَینی ءُ پَہ وَتی رَھبَر واجَہ خامنہ ای ءِ نِزام ءِ پرُشَگ ءُ وَتی باندات ءَ چُش آسیگ ءُ جَسیگ اِت؟
چَہ چل سال ءَ گیش بیت کِہ بَلوٗچاں ماں بَلوٗچِستان ءَ ھِچ دابیں آرامی ءُ اِیمِنی نَہ دیستَگ ءُ شُما شَرّ زان اِت کِہ تاں بیگانَگ ھاکُم ءُ بَلوٗچ گُلام اَنت ھِچبَر ایمِنی ءُ آرامِش نَہ گِند اَنت! وَ اَگاں آرامِشے بوُتَگ گُڈا پَہ شُما کِہ لانڈکروٗز ءَ سوار بوُتَگ اِت ءُ پَہ باڈی گارڈ گَشتَگ اِت ءُ ماں مُشرِکانی نِزام ءِ ھِمایَت ءِ چیر ءَ زِند اِش گوازینتَگ ءُ اَنگَت گوازینَگ ءَ اِت! لَگَتمالیں بَلوٗچاں اِیمِنی ءُ آرامِش ءِ واب ھَم نَہ دیستَگ!.
وَ اِن کُنت حقاً عالماً رَبّانیاً فإرجع الی اللہ و قل لقومک:-
{إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ.}
وَ أخرُج من طاعة الطاغوت و لا تخاف إلّا مِن اللہ وحدہ لا شریک له!.
وَ چوں کِہ تَو نیکراہ ءِ رَھشون ئے ءُ اللہ ءِ ھَکّیں گَپانی پَہ مَردُماں سَر کَنَگ تئی کار اِنت، گُڈا مَرچی مَرگ ءَ مَنگِھے گوں کَن ءُ گوں وَتی بَزَّگیں راج ءَ ھَمراہ بَو ءُ آرا بِہ گوَش کِہ چوں بِہ کَنت!
راجے کِہ جَنگ نَہ لوٗٹ اِیت ءُ بـے گُناہ ءَ جَنَگ بیت ءُ آئی جان ءُ ناموُس ءِ سَر ءَ تَجاوز بیت چوں بِہ کَنت ءُ اِے بارَہ ءَ اللہ ءَ چے گوَشتَگ! اللہ گوَش اِیت:-
﴿كُتِبَ عَلَيْكُمُ الْقِتَالُ وَهُوَ كُرْهٌ لَكُمْ وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ﴾
چُشیں وَھد ءَ چَہ اللہ ءَ بِہ ترُسّ ءُ گوں جالوُت ءَ ھَمراھی مَہ کَن ءُ راج ءَ مَہ گوَش کِہ:-
{لا طَاقَةَ لَنَا اليَوْمَ بِجَالُوتَ وجُنُودِهِ}
وَتی راج ءَ بِہ گوَش کِہ:-
{كَم مِّن فِئَةٍ قَلِيلَةٍ غَلَبَتْ فِئَةً كَثِيرَةً بِإذْنِ اللَّهِ واللَّهُ مَعَ الصَّابِرِینَ}.
وَ ھَنچُش کِہ اللہ ءَ وَتی رَسول اَمر کُرتَگ ءُ گوَشتَگ کِہ وَتی اُمَّت ءَ پَہ جَنگ ءَ سِکین بِہ دئے، تَو ھَم ھَمـے کار ءَ بِہ کَن ءُ وَتی راج ءَ سِکین بِہ دئـے ءُ بِہ گوَش کِہ پَہ مُشرِکانی سَر ءَ داتَگیں جَنگ ءَ جاہ جَنت!۔
﴿يَٰٓأَيُّهَا ٱلنَّبِىُّ حَرِّضِ ٱلْمُؤْمِنِينَ عَلَى ٱلْقِتَالِ ۚ إِن يَكُن مِّنكُمْ عِشْرُونَ صَٰبِرُونَ يَغْلِبُواْ مِاْئَتَيْنِ ۚ وَإِن يَكُن مِّنكُم مِّاْئَةٌ يَغْلِبُوٓاْ أَلْفًا مِّنَ ٱلَّذِينَ كَفَرُواْ بِأَنَّهُمْ قَوْمٌ لَّا يَفْقَهُونَ﴾
وَ چوں کِہ اللہ ءَ گوَشتَگ تَو ھَم ھَما گَپ ءَ پَہ وَتی راج ءَ سَـر کَن:-
﴿وَأَعِدُّواْ لَهُم مَّا ٱسْتَطَعْتُم مِّن قُوَّةٍۢ وَمِن رِّبَاطِ ٱلْخَيْلِ تُرْهِبُونَ بِهِۦ عَدُوَّ ٱللَّهِ وَعَدُوَّكُمْ وَءَاخَرِينَ مِن دُونِهِمْ﴾
وَ اِے گَپ ءِ جَنَگ ءُ پَہ راج ءَ سَر کَنَگ تَئی سَر ءَ پَرز اِنت پَرچا کِہ تئی کار ھَمش اِنت ءُ وَتی راج ءَ بِہ گوَش کِہ اِے بیگانَگ اَھل الپِتنہ اَنت ءُ اِشاں شُمارا نُماز ءِ وَھد ءَ ماں مَسجِد ءِ تَھ ءَ جَتَگ ءُ مَسیت اللہ ءِ لوٗگ اَنت ءُ اللہ ءِ لوگانی بـے ھُرمَتی سَکّ گُناہ اِنت ءُ اِے بارَہ ءَ اللہ ءَ چُش گوَشتَگ:-
﴿وَٱقْتُلُوهُمْ حَيْثُ ثَقِفْتُمُوهُمْ وَأَخْرِجُوهُم مِّنْ حَيْثُ أَخْرَجُوكُمْ ۚ وَٱلْفِتْنَةُ أَشَدُّ مِنَ ٱلْقَتْلِ ۚ وَلَا تُقَٰتِلُوهُمْ عِندَ ٱلْمَسْجِدِ ٱلْحَرَامِ حَتَّىٰ يُقَٰتِلُوكُمْ فِيهِ ۖ فَإِن قَٰتَلُوكُمْ فَٱقْتُلُوهُمْ ۗ كَذَٰلِكَ جَزَآءُ ٱلْكَٰفِرِينَ﴾
وَ پَہ وَتی راج ءَ دُرّیں رَسوُل ءِ گوَشتَگیں گَپاں ھَم سَر کَن، رَسوُل کَریم ءَ گوَشتَگ:-
بیگانَگ ءُ دُژمِناں مَیل اِت کِہ شُمَـےَ ھَکّ ءُ جان ءُ مال ءُ دین ءُ ناموُس ءِ سَر ءَ تَجاوَز کَن اَنت!.
عَنْ سَعِيدِ بْنِ زَيْدٍ ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
﴿مَنْ قُتِلَ دُونَ مَالِهِ فَهُوَ شَهِيدٌ ، وَمَنْ قُتِلَ دُونَ أَهْلِهِ فَھُوَ شَھیدٌ، وَمَن قُتِلَ دُونَ دَمِهِ فَھُوَ شَھید ، وَ مَن قُتِلَ دُونَ دِينِهِ فَهُوَ شَهِيدٌ ، وَمَن قُتِلَ دوُن عَرضه فَھُو شَھید﴾ رواه أبوداود.
وَ گُڈ سَر ءَ گوں وَتی بَلوٗچ راج ءَ چُش گوَشَگ لوٗٹ آں کِہ ڈَنّ چَہ مُلک ءَ ماں یوُرُپ ءَ Free Balochistan Movement ءِ پارٹی پَہ دِل ءُ جان گوں شُما ھَمراہ ءُ ھَمدَردّ اِنت ءُ وَت ءَ شُمَےَ دَردّ ءُ گَمانی شَریدار زانت، و ڈَنّ چَہ مُلک ءَ اِپ بی ام سَرجَمیں بَلوٗچ راج ءِ تَوار ءُ زُبان اِنت! F B M جُھد ءَ اِنت کِہ بَلوٗچ راج ءِ کُشتاراں جِھانی بِہ کَنت ءُ چَہ سازمان مِلل ءُ اَمریکا ءُ اُروپا ءُ آدِگے اِنسانی ھَکّانی دیمپانیں مُچّیاں دَست بَندی بِہ کَنت کِہ ایران ءُ پاکِستان ءَ مُجرِم ءُ کاتِل کَرار دیئَگ بِہ بَنت ءُ بَلوٗچانی کاتِل ماں جِھانی دادجاہ بِہ زآں (دادگاہ جھانی) ءَ پیش کَنَگ ءُ جُست ءُ باواست بِہ بَنت! بَلـےَ اُروُپا ءُ اَمریکا ءُ اِنسانی ھَکّانی مَنّوٗکیں مُچّی ءُ یونائیٹِڈ نَیشَن ھَما وَھد ءَ F B M ءِ گَپاں گوٗش دار اَنت ءُ بَلوٗچ راج ءِ ھَکّانی مَنّوٗک ءُ دیمپان بَنت کِہ شُما F B M ءَ ھَمراھی بِہ کَن اِت ءُ آرا وتی زُبان ءُ ھَکّانی دیمپان بِہ زان اِت ءُ بِہ مَنّ اِت!.
اَگاں چُش مَہ بیت ءُ بَلوٗچ راج ایران ءُ پاکِستان ءَ اِسلامی ءُ مُکَدَّسیں مُلک ءُ نِزام بِہ زان اَنت ءُ بِہ گوَش اَنت, گُڈا ما ڈَنّی مَردُمانی گَپاں گوات بارت ءُ گوٗشداروٗک ءُ باوَر کَنوٗک اِش نَہ بیت! پَہ ھَمـے ھاتِر ءَ گوں راج ءَ دَست بَندی اِنت کِہ وَتی شَھمیراں مَہ شَموٗش اِیت ءُ دُژمِن ءِ داشتَگیں پاکار ءُ نیکمَرد ءُ جَھگیر ءُ ڈَلُّکانی گَپاں گوٗش مَہ دار اِیت، پَرچا کِہ ڈَلُّک ءُ دَرباری نیکمَرد ءُ بـے سَریں سَردار ءُ جَھگیرانی دِل ءُ دین ءُ ایمان ءُ زَمیر بیگانَگاں پَہ بَھا زُرتَگ اَنت ءُ پَہ راج ءِ دَرداں دَردیگ ءُ راج ءِ گَماں گَمیگ نَہ اَنت، آ بَسّ پَہ وَت ءُ وَتی باندات ءُ تَریبوُن ءُ پاگ ءُ واسکَٹّاں پریشان اَنت ءُ بیگانَگانی اُمر ءِ دراج کَنوٗک ءُ واھگانی سوٗبمَندی ءِ واھوٗک اَنت!.
گوں شما دَست بَندی اِنت کِہ وَتی توار ءَ بُرز ءُ جُھداں تیز ءُ بِہ کَن اِت تاں ما بِہ توان اِیں کِہ دَر چَہ مُلک ءَ شُمَےَ زُبان ءُ سَپیر بوُت بِہ بین! F B M دُزّآپ ءِ بَلوٗچانی سَرجَم کُشی ءَ یَک سَکّیں بَلاھیں جُرم ءُ گُناھے زانت ءُ ایران ءِ ھونواریں نِزام ءَ مُرج اِیت ءُ مَیاریگ کَنت!.
وَ ھَمـے ھِساب ءَ گوں جِھان ءِ سَرجَمیں مُلک ءُ اِنسانی ھَکّانی دیمپانیں گَل ءُ مُچّی ءُ یوُرُپ ءُ اَمریکا ءُ سازمان مِلل ءَ دَست بَندی کَنت کِہ ایران ءِ ھِلاپ ءَ یَک گامـے چِست بِہ کَن اَنت ءُ ایران ءَ چُش اِجازَت مَہ دی اَنت کِہ بَلوٗچانی نَسل کُشی ءَ کَنت ءُ یَک جُست ءُ باواستی ٹوٗلی یـے بِہ ٹَھین اَنت ءُ پَہ تَچکی ءُ راستی ءِ شوٗھاز ءَ ایران ءَ راہ بِہ دی اَنت ءُ ایران ءِ ھونواریں نزام ءُ اِے کُشتار ءِ زِمھداریں مَردُماں بیار اَنت ءُ جِھانی دادجاہ ءَ پیش بِہ کَن اَنت!.
بوُت کَنت کِہ چَہ اِے کار ءَ ایران ءُ پاکستان ءِ دابیں ھونواریں نِزامانی دیم دارگ بِہ بَنت ءُ لَگَتمال ءُ بیوَسیں راج اَئیندَہ ءَ چوٗ پَہ بـے بَزَّگی کُشَگ مَہ بَنت! F B M ءِ سَرجمیں کارکُن گوں پاکیں اللہ ءَ دَست بَندی کَن اَنت کِہ مَـےَ راج ءِ سَرجَمیں شَھمیراں ماں گُلباگ ءَ گوں وَتی رسول ءُ آدِگے شَھمیراں ھَمزان ءُ آیانی پَدریچاں گوں ما ءُ گوں سَرجَمیں بَلوٗچ راج ءَ سَگّ ءُ اوٗپار ءِ ھاٹی ءَ بِہ دَنت!.
بَلوٗچ راج ءُ بَلوٗچِستان گوں وَتی زِر ءُ زُمین ءِ گَنج ءُ ھَستیاں آجوٗ بات اَنت…
ھَنچُش بات
۱۷ اِیرایان ۷۰۲۲
بَرابَر گوں ۷ اُکتوُبَر ۲۰۲۲
ھامبَورگ آلمان
