یروشلم (ہمگام نیوز) اسرائیل نے تازہ فضائی حملے اس دعوے کے ساتھ کیے ہیں کہ یہ کارروائیاں حماس کی جانب سے امریکی ثالثی میں طے پانے والے جنگ بندی معاہدے کی خلاف ورزیوں کے جواب میں کی گئی ہیں۔
اسرائیلی فوج کا کہنا ہے کہ حماس نے جنگ بندی کی متعدد شرائط کی خلاف ورزی کی، جس کے بعد جوابی کارروائی ناگزیر ہو گئی۔ دوسری جانب غزہ سے اطلاعات کے مطابق فضائی حملوں سے کئی عمارتیں تباہ اور عام شہری متاثر ہوئے ہیں۔
امریکہ نے فریقین پر زور دیا ہے کہ وہ تشدد سے گریز کریں اور امن عمل کو بحال کریں۔
