اسلام آباد( مانیٹرنگ ڈیسک) آج اسلام آباد میں لاپتہ بلوچ افراد اور بلوچ یکجہتی کمیٹی (BYC) کے زیر حراست رہنماؤں کے اہل خانہ کے دھرنے کو اکیس دن مکمل ہو گئے ۔ سخت دھوپ، جھلسا دینے والی گرمی، اور مسلسل نگرانی کے باوجود یہ خاندان، جن میں بزرگ خواتین اور بچے بھی شامل ہیں، پُرامن احتجاج جاری رکھے ہوئے ہیں۔ ان کا مطالبہ واضح ہے: اپنے پیاروں کی بازیابی اور جبری گمشدگیوں کا خاتمہ۔
تین ہفتے گزرنے کے باوجود مظاہرین کو نہ تو پریس کلب کے سامنے کیمپ لگانے کی اجازت دی گئی ہے اور نہ ہی سڑک کھولی گئی ، حکام کی جانب سے مسلسل دباؤ ڈالا جا رہا ہے کہ وہ علاقہ خالی کریں، مگر کوئی متبادل جگہ فراہم نہیں کی جا رہی۔
یہ دھرنا ریاستی جبر اور جبری گمشدگیوں کے خلاف ایک پائیدار مزاحمت کی علامت بن چکا ہے۔
