لندن (ھمگام نیوز) پری بلوچستان مومنٹ ءِ نیمگ ءَ باند ءَ پنچ شمبے ءِ شپ ءَ چین ءِ کمک ءَ بلوچ چکچینی بندات کتگیں پوجی آپریشن ءِ نام ءَ پاکستان لشکر ءِ لشکری کشی “عزم استحکام” ءِ ھلاپ ءَ رسانکدر ءَ کیمپین چلائینگ بیت۔
یات بہ بیت چاگردی رسانکدر ایکس ءَ دگہ جاھاں چلائینگ بیت کیمپین ءَ اے اِیش ٹیگانی کارمرز جار جنگ بیتگ چش کہ
#ExpanisonChinaInstagtiBalochandPashtunGenocide
#StopBalochAndPashtunGenocide
یات بہ بیت اے بابت ءَ پاکستانی رسانکدر ءَ ءُ اھوالکارانی کمک ءَ ھال اتکگ انت پاکستانی لشکر چائینا ءِ نپانی بدیں واھشت ءُ سرمایہ کاری سرجم کنگ ءُ پھریزگ ءِ دیگ ءِ واستا زوت ءَ چہ زوت یک مزنیں مزنیں کچے ءَ لشکر کشی کنگ بوھگ ءَ انت ءُ ھمیشی ءَ را عزم استحکام نام داتگ۔
بیان ءِ تہ ءَ گشتگ ئے ایکس ءُ ایدگہ چاگردی رسانکدراں بندات بوھوکیں کیمپیئن ءِ کمک میان استمانی قوت ھوار میان استمانی تبکہ ءَ ھستیں ھال سرکنوکیں ادارھاں وتی ھالاں سر کنگ لوٹیں بلوچستان بوھکیں آجوئی جھد ءَ پاکستانی زورگیریں لشکر مکر ءُ پندل کمک ءَ زرتگ ءُ ھر وھد ءَ تہ ءُ توکی سیاسی ءُ لشکری کشی ءَ عدم استحکام ءِ نام داتگ کہ پاکستان چائینہ ءِ وشنود کنگ ءَ آئی نیمگ ءَ چہ بلوچستان مزنیں سرمایہ کاری ءِ پھریزگ ءِ ھاترا بلوچ راج ءِ ھلاپ ءَ بلاھیں ھون ریچی ءِ تیاری کنگ بوھگ ءَ انت دانکہ ھستیں بلوچ ءِ چکچینی ءَ ھد ءُ کساس ءَ گیش چہ گیش بہ کنت وتی وتگڈیں عزم استحکام ھاسل بہ کنت۔
ھمے سبب ءَ پری بلوچستان مومنٹ ءَ باند ءَ چار جلکشان ءَ بلوچستان ءِ وھد ءِ ھساب ءَ شپ ءِ گر دانکہ شپ ءِ دوازدہ ءَ داں جتا جتائیں چاگرد رسانکدراں ھاس کن “ایکس” ءَ یک کیمپئین ءِ بندات بوھگ ءَ انت ما تیوگیں بلوچ راج ءُ آجوئی جھدکاراں دزبندی کنیں دنیا کجام کنڈ ءَ نشتگ انت اجتماعی راجی زمہ واری ءِ ھاترا اے کیمپئن ءَ بھر بزور ات بلوچ راج ءِ چکچینی ءَ عزم استحکام ءِ ھلاپ ءَ میان استمانی رسانکدراں ءُ ایدگہ مزنیں ادراھاں ءُ آیانی لس مھلوک ءَ وتی ھال سر کنگ کوشست ءُ ھمراہ داری ءَ بہ کن ات دانکہ دنیا ءِ توانمندیں ادارہ اود ءِ مردم پاکستان ءُ چائینا ءِ بلوچ راج ءِ ھلاپ ءَ بدیں کرد ءُ آئی کش ءُ مانکش سرپد بہ باں۔