بارکھان: (ہمگام نیوز) اطلاع کے مطابق بارکھان کوہلو کے سرحدی پہاڑی سلسلے کوہ جاندران کے جنگلات میں آگ لگ گئی ہے ۔ ذرائع کے مطابق دوپہر سے پہاڑی علاقے میں لگنے والی آگ نے شدت اختیار کر لیا۔
آگ لگنے کے باعث پہاڑی علاقے میں موجود جنگلات ،نایاب جڑی بوٹیوں ، قیمتی درختوں اور جنگلی حیات کو شدید نقصان پہنچ رہا ہے۔
مقامی ذرائع کے مطابق آگ لگنے سے قریب واقع مقامی آبادی کو بھی خطرہ لاحق ہے ۔علاقے کے رہائشیوں نے مطالبہ کیا ہے فوری طور پر آگ پر قابو پانے کے لئے اقدامات اٹھائے جائیں۔
جبکہ کوہلو کے لیویز کے مطابق آگ جس ایریا میں لگا ہے وہ ضلع بارکھان انتظامیہ کے زیر انتظام علاقہ ہے۔
