بلوچستان ءِ آجوئی ءِ راھبند

بَند 09: بلوچ راجی جھد آزات ءُ جمھوری بلوچستان ءِ ھاتر ءَ کُلاں ھور ءُ یکجاہ کنگ انت۔ اِے جھد پہ دراھیں مھلوک ءَ اِنت کہ بلوچستان یا درملکاں نندوک انت ۔اے جُھد ءِ تہ ءَ آجو پسندیں مردین، جنین آدم ءُ زَھگ بِلّے کہ جتائیں سیاسی لیکہ، ٹک یا کھولی پشدَرے، یا مزھبی سِتکے دار انت، ھوار انت۔

بَند 10: آجوئی ءِ ھاتر ءَ بلوچ جھد ، آجوئی ءِ جھدانی دستورے ۔ بلوچ آجوئی ءِ اے دستور نہ ایوک ءَ بلوچ بلکیں ھر میان استمانی کومانی کمک ءَ پہ آزات ءُ جمھوری بلوچستان ءَ کبول کنت۔ آجوئی جھد ءِ دروشمانی تہ ءَ آزاتیں پارٹی سیاست، تپاکیں گل، ایسوسی ایشن ،چوشکہ واپاری گل، نودربرانی گل، زالبولانی گل، نبشتہ کارانی گل، وکیلانی گل، تاکارانی گل، دھکانانی گل ءُ دگہ ھوار انت ۔ چریشی ءَ ابید اے جُھد ءِ تہ ءَ پریشر گروپ ، بنیادمانی ھکّانی کارندہ ، چاگرد زانت ، مُسیبت آماچیں مردمانی ھاندان ، کوّاس ، ھستھی (جوہری) سِلاھانی ھلاپ ءَ جُھد کنوک ، جنگ دژمن ءُ شھری ناپرمانی ءِ کوّاس ءُ وتی راج ءِ پھازگ ءُ پھریزگ ھوار انت۔

بَند11: کوْزہ گیریں استان ءِ دروگیں پارلیمنٹ ءَ ھوار بوھگ، اے منّگ نامہ ءِ ھلاپ انت ۔ سامراج ءِ رزا ءَ گوں سامراجی ادارھانی تہ ءَ بھر زورگ ھمے آزاتی گرگ ءِ جُھد ءِ دیم ءَ اڑاند جوڑ بنت۔ یک نپرے یاکہ سیاسی گلے کہ اے منّگ نامہ ءَ منّیت آ پاکستان ءُ ایرانی پارلیمانی دستور ءِ بھر بیت نہ کنت۔

بَند 12: آجوئی ءِ جُھد ءِ کُلّیں وڑ ءُ پیم میان استمانی کانون ءِ سیمسر ءُ بنیادمانی ھکانی رو ءُ رھبندانی رِد ءَ بنت۔