خضدار (ہمگام نیوز) بی وائی سی خضدار زون کے ترجمان نے کہا ہے کہ آج شام 5:30 بجے ریاستی جبر کی انتہا کر دی گئی جب ریاستی اداروں کے اہلکاروں نے بلوچ یکجہتی کمیٹی کی مرکزی آرگنائزر ڈاکٹر ماہ رنگ بلوچ سمیت متعدد خواتین کو گرفتار کر لیا۔ اطلاعات کے مطابق، ڈاکٹر ماہ رنگ بلوچ کو گرفتاری کے بعد جبری طور پر لاپتہ کر دیا گیا ہے۔ مزید برآں، بلوچ نوجوانوں کی لاشیں ریاستی اداروں کی تحویل میں ہیں، اور ہمیں شدید خدشہ ہے کہ ریاستی قوتیں بلوچ یکجہتی کمیٹی کی قیادت کے ساتھ کسی بھی قسم کی ظالمانہ کارروائی کر سکتی ہیں۔
یہ ظلم اور بربریت ناقابلِ برداشت ہے۔ بلوچ عوام کی آواز کو دبانے کی ہر کوشش ناکام ہوگی۔ ہم ریاستی جبر کی بھرپور مذمت کرتے ہیں اور مطالبہ کرتے ہیں کہ ڈاکٹر ماہ رنگ بلوچ سمیت تمام گرفتار و لاپتہ افراد کو فوری طور پر بازیاب کیا جائے۔
ہم خضدار کے باشعور عوام اور بلوچستان کے تمام شہریوں سے اپیل کرتے ہیں کہ وہ اس ظلم کے خلاف اپنی آواز بلند کریں اور جاری احتجاج میں بھرپور شرکت کریں۔
