شال( ہمگام نیوز)بلوچ یکجہتی کمیٹی کے مرکزی ترجمان کے کال پر جمعہ کے روز کشمور بی وائی سی کی جانب سے احتجاجی ریلی نکالی گئی مظاہرہ کیاگیا ۔مظاہرین نے کہاکہ ہم بی وائی سی کی قیادت کی غیر قانونی حراست کیخلاف سڑکوں پر نکلے ہیں اور مطالبہ کرتے ہیں کہ انھیں رہا کیاجائے ۔
اس طرح پنجگور میں بھی ایک بار پھر، ریلی نکالی گئی مظاہرہ کیاگیا ۔ مظاہرین نے کہاکہ پنجگور کے لوگ سڑکوں پر اس لئے دوبارہ نکل آئے ہیں، اور BYC لیڈروں ڈاکٹر مہرنگ بلوچ، سمی دین بلوچ، بیباگر بلوچ، اور کوئٹہ میں وحشیانہ کریک ڈاؤن کے دوران گرفتار سینکڑوں مظاہرین کی فوری رہائی کا مطالبہ کر تے ہیں۔
انھوں نے کہاکہ بلوچ عوام انصاف اور آزادی کی جدوجہد میں متحد ہو کر خاموش رہنے سے انکاری ہیں۔
علاوہ ازیں کاٹھور، ملیر میں ایک زبردست احتجاجی ریلی نکالی گئی، جہاں سیکڑوں بلوچ خواتین سڑکوں پر نکل آئیں، جس میں BYC کی قیادت اور دیگر کی رہائی کا مطالبہ کیا گیا اور ریاستی جبر کا مقابلہ کیا گیا۔ انھوں نے کہاکہ بلوچ عوام خاموش رہنے سے انکاری ہیں- ہماری جدوجہد جاری ہے۔
