بیا بلوچانی سرا بمب گواری کنیں

جمال ناسر ءُ اھمد رزا تاھری ءِ تران ماں ریڈیو اسٹوڈنٹ ءَ نبشتھی دروشم ءَ

دلگوش: پاکستان ءُ ایران ءِ زورگیپتیں روایرشتی ءُ رو دراتکی بلوچستان ءَ ماں گوستگیں روچاں وتی سلامتی ءُ ناروائیانی ھلاس کنگ ءِ نام ءَ لس بلوچ آبادی ءِ سرا اُرش کت ایشی ءَ چہ یازدہ بے میاریں بلوچ بیران بوت انت، رو دراتکی بلوچستان ءَ دو زھگ شھید بوتگ ات ءُ پد ءَ رو ایرشتی بلوچستان نو بلوچ شھید بوتگ ات،اے جاور میان استمانی تبکہ ءَ ایران ءُ پاکستان ءِ میان ءَ جاورانی ھرابی ءِ نگاھاں چارگ بوھگ ءَ انت،ھمے رد ءَ یورپ ءِ کوھنیں ریڈیو اسٹیشن “ریڈیو اسٹوڈنٹ” فری بلوچستان مومنٹ ءِ باسک جمال ناسر ءُ فری یونیورسٹی سیاسات ءِ پڑّ ءَ سیادی داورک اھمد رزا ءَ گوں گپ ءُ تران کتگ، اے رپورٹ ءَ ما وتی وانوکانی ھاترا آیانی سرپدی ءَ پہ ما ایشی ءَ پیش کنیں، انگریزی زبان ءَ سرجمیں تران ءَ اشکنگ ءِ واستا جھل ءِ لنک دست بہ جن اِت

ازرائیل ءِ نیمگ ءَ چہ گزہ ءِ تہ ءَ چکچینی ءُ ایدگہ ناروائیں کارانی ھمک روچی ھالانی میان ءَ‌، گوستگیں ھپتگ ءَ ایران ءُ پاکستان ءِ سیادی ءِ تہ ءَ دلرنجی ءِ ھال اوں گندگ ءَ پیداک انت، گوستگیں سے شمبے ءَ ایران ءَ پاکستان ءِ زمین ءِ تہ ءَ سنی گل جیعش العدل ءِ سر اُرش کت، چش کہ ایران ءِ تہ ءَ مدام اُرش کنت ھاس کر ایرانی سپاہ پاسداران انکلاب ءُ پولیس کارمندانی سرا مدام اُرش کنت، ایشی ءِ پسہ ءَ پاکستان ءَ ایران ءِ رو راتکی ھند سراوان ءَ نزیکیں شھر ءَ بلوچستان لبریشن پرنٹ ءِ اوتاک ءِ سرا اُرش کت، ایرانی سرکار جیعش العدل ءَ نارواھیں گلے کرار دات ءُ پاکستان بلوچستان لبریشن پرنٹ ءَ نارواہ گش ایت،

چش کہ رو ایرشتی سیاسی تجزیہ کاراں اے دمگ (خطہ) ءِ تہ ءَ مزنیں دلرنجی ءُ جاورانی ھرابی ءِ بابت ءَ ھیال درشان کتگ، بلے آ اے راستی ءَ چہ شموشکار انت اے دوئیں اُرش پاکستان، ایران ءُ اوگان ءِ میان ءِ بھر ءُ بانگ کرتگیں سرزمین کہ راجدپترے داریت بلوچستان ءِ سرا کنگ بوتگ انت، ما اے دوئیں ملکانی جیو اسٹرٹیجک ھیالی ءُ سرکاری درشان ءَ چہ دیمتر جنزیں، ایشاں سوبمندی ءَ گوں وتی جزبگ ایمن کتگ ءُ وتی سپارتی سیادی برجم داشتگ،

یورپ ءَ جاھمنند فری بلوچستان مومنٹ ءِ باسک جمال ناسر بلوچ ءِ گشگ انت، ایران ءُ پاکستان ھردو بلوچستان ءِ سرا اُرش کنگ ءَ پہ سبب شوھازگ ءَ انت، اے جاوراں ھمے ماہ ءِ بندات ءَ کرمان ءَ نارواھیں اُرش ءَ ایرانی سرکار ءَ پہ ارزانی ودی کتگ، امریکہ دست ءَ کشتگیں ایرانی کماندار کاسم سلیمانی ءِ یات ءَ بوتگیں اُرش ءِ زمہ واری اے وھدی دولت اسلامیہ ءَ من اِتگ

جمال ناسر ءِ گشگ ءِ رد ءَ برتانوی ءِ زورگیری ءُ ھمائی سبب ءَ ریاستانی جوڑ بوھگ ءَ پیسر، بلوچستان اے دمگاں یک بندیں دمگے ات، بادشاھی ڈیھانی سیمسر اوں آئی کش ءُ گوراں چاگرد اتاں، بلے بلوچ ءَ مرچیگیں سیمسراں چہ سرپدی سک باز توانا بوتگ بلے نزیکی کم بوتگ، جمال بلوچ، بلوچ ءَ سئے راجانی میان ءَ بھر کنگ ءِ بابت ءَ تران کنت، چش کہ ھر بھرے ھر یک جتائیں راجے ءِ دست ءَ لگتمال انت

جمال بلوچ گش ایت دومی جھانی جنگ ءَ پد ھندوستان ءِ مسلمانانی گیشتریں ھند چرائی چہ جتا کنگ ءِ ھاترا انگریزانی نیمگ وتساچ ءُ مزھب ءِ نام ءَ جوڑ کرتگیں ملک پاکستان کہ اسلام ءِ نام ءَ زانگ بیت ایشی ءِ تہ ءَ تھنا پنجابی ءِ واجھی ءِ شون ءَ دنت، اے ملک ءِ جوڑ بوھگ ءُ بزاں بلوچ راج ءِ لگتمالی ءِ بندات اَت

جمال بلوچ ءِ گشگ انت کہ ایران ءَ قاجار بادشاھی حکومت ءِ زوالی ءِ سبب اِش اِت کہ حکومت نوکیں اھدانی لوٹاں سرجم کت کنگ ءَ نہ ات، بلے پھلوی حکومت ءَ حکومت ءِ سرا زورگیر بوت سینٹرلائزیشن ءِ کمک ءَ پارس نسل پرستی ءِ بنیاد ءَ یک نوکیں ریاستے جوڑ کت

آئی گشگ انت ایران ءَ اسلامی آشوب ءِ آیگ ءَ پد شعیہ جمہوری حکومت ءِ تہ ءَ سنی بلوچانی سرا زوراکی گیش بوتگ، اے نوکیں اھد ءَ نسلی تپاوت ءَ ابید اوں مزھب دیم ءَ آرگ بوتگ جمال ناسر ءِ رد ءَ دوھزار سئے ءَ منظم اسلامی بلوچ ءَ گشتگ جنداللہ ءِ جوڑ بوھگ ءَ پد راج دوستیں سروکانی جھد زوراکیں اسلامی ریاست ءِ ھلاپ ءَ راجی آجوئی جھد گیش پُر زور اَت

جعیش العدل ءِ ٹولی، چش کہ گوستگیں ھپتگ ءَ چہ پاکستان ءَ ایران ءِ اُرش ءِ نشانگ کنگ بوتگ ات، چہ جنداللہ ءَ گستا بوھگ ءَ پد 2010 ءَ بے سروک بیت ءُ گسر کپ ایت، ایران سیستان بلوچستان ءَ دمگ ءِ فری نونیورسٹی ءِ سیاسیات ءِ پڑ ءَ سیاد داروک اھمد رزا تاھری ءِ گشگ انت جعیش العدل جنداللہ ءَ چہ گیشتر اُرش کتگ

تاھری ءِ گشگ انت جعیش العدل ایدگہ جاھاں ابید شھیانی مسیتانی سرا اُرش کنگ ءَ انت

دومی نیمگ ءَ جمال ناسر ءِ ھیال انت ایرانی ریاست مھکمیں دروشمے ءَ سُنی بنیاد پرستی ءَ دیمروئی دیگ ءَ انت، دانکہ اے دمگاں پہ اُرش کنگ ءَ پہ وت سبب جوڑ بہ کنت، ایرانی ریاست ءَ میان استمانی تبکہ ءَ پہ سبب شوھازگ ءَ جیعش العدل وڑیں گل پاھدگ مند انت

دومی تاھری ءِ ھیال انت بلوچ ٹولی شھّیانی ھلاپ ءَ تھنا آ سنی ازم ءِ کم شرپی کنگ ءَ انت، اشی ءَ چہ ابید آئی گشگ انت جیعش العدل ءُ بلوچستان لبریشن فرنٹ دوئیں راج دوست انت، دوئینانی میان ءَ لیکھی اڈاندانی سبب ءَ یکے دومی ءَ گوں ھاسیں نزیکی نیست

تاھری ءِ گشگ انت گوستگیں چیزے سالاں جیعش العدل ھمک ماہ ءَ ایران سپاہ پاسدار انکلاب ءِ سرا اُرش کنگ ءَ انت، ھمے سبب ءَ تاھری ءِ ھیال انت ایران ءِ دژمنیں ملکاں گوں اے ٹولی ءَ گوں نزیکی ھست انت

تاھری ءِ دیمتر ءَ گشگ انت ایران ءِ تہ ءَ آزری جاھمننداں ابید ایدگہ درائیں بھر ءُ بانگیں راجانی سرا زوراکی یک مزنیں گپے، چش کہ ایران ءَ اسلامی انکلاب ءِ گوستگیں دور ءِ اوں نزیکی ءُ سیادی گندگ بیت

بیا اِت دو ھزار بیست ءُ دو ءَ مزنیں زھرشانی ءِ وھد ءَ کرد مھلوک ءِ سرا بوتگیں اُرشاں یات کنیں، ھمے سبب ءَ کرد نوجوانیں جنک میسا امینی بیران بوت، ایشی ءَ ابید بلوچ گش انت زوراکی بلوچانی سرا گیشتر بوتگ

بلوچانی سرا زوراکی انچیں کارے چش کہ ایران ءُ پاکستان ءَ یک مُشت کنت

اے گپ ءَ چش گیشناں گوستگیں ھپتگ ءِ بوتگیں اُرش اے رنگ ءَ درشان کنگ بیت

“ما بلوچ جتگ انت من ءُ تو پد ءَ سنگت بیں”

تاھری اے گپ ءَ تپاک کنت ایران ءُ پاکستان ءِ نزیکی ءِ تہ ءَ جاورانی نگیگی ءِ ھچ اُمیت دارگی نہ انت، دوئیں ریاستانی درستاں چہ گیشتر دژمن بلوچ انت

آیوکیں وھد ءَ پاکستان ءُ ایران سیادی چے پیم بیت! ما ایشی ءِ سرا ھیال درشان نہ کنیں بلے ما پہ ستک گشیں اے دوئیں ریاست بلوچ ءِ لگمتالی ءَ یکجاہ بنت