شال ( ہمگام نیوز )بلوچستان نیشنل پارٹی (مینگل) کی کال پر بلوچ یکجہتی کمیٹی کے رہنماوں کی گرفتاری ،پولیس کریک ڈاؤن پر امن مظاہروں پر پابندی کیخلاف منگل کو گوادر اور دیگر ساحلی شہروں میں ہڑتال کی گئی۔ہڑتال کے دوران مختلف شہروں میں تمام کاروبار، بینک، دکانیں اور پیٹرول پمپ بند رہے۔
گوادر سے 270 کلومیٹر دور شہر اورماڑہ میں تاجروں کی ایسوسی ایشن کی جانب سے ڈاکٹر ماہ رنگ بلوچ، بیبو بلوچ اور سمی دین بلوچ سمیت بی وائی سی کی تمام خواتین رہنماؤں کی گرفتاریوں اور مقدمات کے خلاف مکمل شٹر ڈاؤن ہڑتال رہی۔
