تربت (ہمگام نیوز) مقبوضہ بلوچستان کے ضلع کیچ کے علاقے بالیچاہ اور قریبی پہاڈوں میں آج سہ پہر کے وقت قابض پاکستانی فوج اور مسلح افراد کے درمیان شدید نوعیت کی جھڑپیں ہونے کی اطلاعات موصول ہوئی ہیں۔
تفصیلات کے مطابق ضلع کیچ کے علاقے بالیچہ کے نزدیک پاکستانی فورسز نے ایک قریبی پہاڑی کا گھیراؤ کیا ہے اور فورسز کثیر تعداد میں اسی علاقے کی طرف جاتے دیکھے گئے ہیں۔ ذرائع سے یہ بھی اطلاعات موصول ہوئی ہیں کہ زمینی افواج کے ساتھ ساتھ ہیلی کاپٹروں سے بھی فوجی اہلکار اتارے گئے ہیں۔
علاقے سے ملنے والی ابھی تک کی اطلاعات کے مطابق فائرنگ اور شیلنگ کی آوازیں بھی تسلسل سے آتی رہی ہیں تاہم ابھی تک کسی طرف سے بھی کسی جانی نقصان کی مصدقہ اطلاع نہیں ملی ہے۔
